Mahendo 11:29 - Pokomo

²⁹ Hawa wahikiza wahuna kwamba kula mumodza jwao ayavye chima awezeecho wawasaiḍie hawa wandugu weowakiishi Yud̯aya.

Mahendo 11:29 Iomraidhean Croise

Matayo 25:17

Na huyuḍe apfegejwe t̯alant̯a mbii za fwedha, nae nkakukawa kaḍabva kuzihendea guzi na kapata faiḍa ya t̯alant̯a zingine mbii za fwedha.

Yohana 2:2

Yesu na wanafund̯iwe nao pia wewa waalikwa hapfa harusini.

Mahendo 1:15

Hizihiziḍe nsiku, kwiit̯ut̯aa wantu wamuhikiziyeo *Kirist̯o chima cha gana modza na miyongo miwii. Pet̯ero kasumama kunena kahi yao.

Mahendo 11:1

Hawa *ntumi na wandugu weokuwa ḍyimbo ḍya Yud̯aya, wonse wasikia kwamba wangine wa hawa wantu wa vyeet̯i vingine nao wakipfokea chuuwo cha Muungu.

Mahendo 11:26

Epfomuona, kenda nae Antiokia. Nao wowii wakaa na hiḍiḍe tsanganiko kwa mwaka muzima. Na wayongweeza kit̯aro kikuu cha wantu. Hukuḍe Antiokia ndiko kwa d̯ura kwa hawa wamuhikiziyeo Yesu wahanijweko Wakirist̯o.

Mahendo 13:52

Hawa Wanafund̯i weokuwa Antiokia wewa wadzajwa ni Ruhu Mudheru na wewa na tsekea nkuu.

Mahendo 14:20

Ela hawa wahikiza wepfot̯ut̯aa wakimuringa, kanuka wima na kauja humuḍe mudzini. Chamukoche ae na Baranaba wenda Dabe.

Mahendo 14:22

Wawangiza mojo hawa wahikiziyeo na kuwafunda waigije muno hi faro yao. Wawamba, “Husidzanjia uhajuni mwa Muungu, ni had̯i hukunte d̯ina nyinji.”

Mahendo 24:17

Paulo kongeza kunena kamba, “Ḅaad̯a ya kut̯ana na Yerusalemi kwa myaka, niikwenda hukuḍe kupfiika nt̯unu ya fwedha za kuut̯ubva Wayahud̯i wangine weokuwa na t̯uri na niyavye na mvuugiya.

Mahendo 4:34

Ntaku eyekuwa na t̯uri wa kiḍechonse. Koro hawaḍe weokuwa na makonde ambu madzumba, wekiyaguza, na hizi fwedha

Mahendo 6:1

Hichi kit̯aro cha wahikiza chipfogija kukuya, nyumae kujumuka matsowano kahi ya hawaḍe weowakinena Kiyunani na hawaḍe weowakinena Kieburania. Hawa Wayahud̯i weowakinena Kiyunani wamba kwamba wake wachiwa wao ntawekimuud̯amijwa kwa haḍya zao za kula nansiku.

Mahendo 9:19

Epfoḍya chakuḍya, nguvu zimuujia. Sauli kakaa kwa nsiku kachuchu na hawa wanafund̯i hukuḍe Damasiko.

Mahendo 9:25

Na wanafund̯i wa Sauli wamuhwaa nasiku, wamuyavya na angani ḍiḍyokuwa jwedzini, na wamususya nsii na chikapfu.

1 Wakorint̯o 13:5

Muntu akiwa na matsako kwa mwenziwe anawa na hila nae, nkawe na umimi wala ngoro za mpuyani, na nkamut̯aliye mazuka.

Wagalatia 2:10

Chao t̯u wahuyombeyecho, ni kwamba hutsewaarerwa hawa wandugu masikini weo Yerusalemi. Nami hiḍyo ni dzambo niḍyo na ut̯ayari naḍyo muno wa kugija kuḍihenda.