Mahendo 11:23 - Pokomo

²³ Epfokwenda akiona hiviḍe vya Muungu awahendeeyevyo mema hawa wantu, katsekea na kawafunda wonse wagije kumuserefat̯a Ḅwana na mojo mumodza.

Mahendo 11:23 Iomraidhean Croise

Matayo 16:24

Makisa Yesu kanena na hawa wanafund̯i kawamba, “Yuḍejwonse atsakiye kuniuḅa mimi ni had̯i aziyatse njiaze za kibenaad̯amu, autsukuye muhiwe wa mpatsa na aniuḅe.

Marko 2:5

Yesu epfoona faro yao, kamwamba huyu ahinamfiye, “Mwanangu, nabvisezo kuziyatsijwa.”

Yohana 15:4

Gijani kukaa kuzimuni mwangu nami nakaa kuzimuni mwenu. Dza hiviḍe vya hambi ḍisivyoweza kuvyaa matunda ḍikitsagijana na hu muhi, nanywi ntamuwezi kuhenda kiḍechonse pfasipfo kukaa kuzimuni mwangu.

Mahendo 13:43

Wantu wepfoyawa nomu sunagogini, Wayahud̯i wenji na wantu wa vyeet̯i wenji wauḅiyeo ḍini ya Kiyahud̯i, wamuuḅa Paulo na Baranaba. Hawa *ntumi wanena nao na kuwangiza mojo wagije kuserefat̯a t̯ei ya Muungu.

Mahendo 14:22

Wawangiza mojo hawa wahikiziyeo na kuwafunda waigije muno hi faro yao. Wawamba, “Husidzanjia uhajuni mwa Muungu, ni had̯i hukunte d̯ina nyinji.”

Mahendo 14:26

Wepfonuka na hapfo wanjia chomboni wauja hat̯a Antiokia ya ḍyimbo ḍya Siria, hapfa wepfowekwa mikononi mwa Muungu ni tsanganiko, kwa dzambo ḍya hi kazi wesiyeo kuihenda.

Mahendo 15:40

Nae Paulo kamutsana Sila. Na wakimayombejwa t̯ei ya Ḅwana ni hawa wandugu, wagonzowa.

Mahendo 20:24

Kenge hat̯a vivyo haya maisha yangu sikwakuyaonani na maana muno kwangu. Cha mud̯a kwangu ni kwisa hi kazi ya Ḅwana Yesu animpiyeyo kuhenda. Yani kazi ya kulalabva *Maagu Mema ya t̯ei ya Muungu.”

Mahendo 20:32

Paulo kagija kunena kamba, “D̯ubva nyakumuyatsani na Muungu na Maagu ya t̯eiye. Anaweza kumumbaka na kumumpa mvonize ezonawekea wantuwe wonse.

Mahendo 4:36

Kwiwa na Mulawi jwa kuyawa Kupuro eyeakihanwa Yusufu. Hawa ntumi wekimuhana Baranaba. (Maana ya Baranaba ni muntu eyenangiza mojo.)

Warumi 12:8

Eye na t̯ola ya kuwangiza mojo wangine, nakae na kuwangiza mojo. Eye na t̯ola ya kuwagijiija wangine weonawa na t̯uri, nakae na kuwagijiija na mojo mumodza. Eye na t̯ola ya uyongozi, nayongoze na hiḍu. Apfegejwe mojo wa kuwafwiya t̯ei wangine weo mad̯inani nawafwiye t̯ei akiwa na tsekea yonse.

1 Wakorint̯o 15:58

D̯ubva wandugu watsakwa, sumamani kiyume na mutset̯et̯eleka. Dziyavyeni kuihenda kazi ya Ḅwana kut̯wa, mukimanya ya kwamba hweka ḍyenu kwa kazi ya Ḅwana ntaḍiwezi kuhika ḅasi.

2 Wakorint̯o 1:17

Nipfoiperuya ai mipango yangu, muniona dza muntu jwa mbiimbii? Ambu ai mipango yangu, naihenda dza muntu asiye musumamo jwa kwamba iyo saa nakwamba, “Ndivyo,” na iyo saa nikamba, “Sivyo?”

2 Wakorint̯o 6:1

Swiswi hu wahenda kazi pfamodza na Muungu, ndookomu hwakumuyombani mutseyayatsa haya matsako ya Muungu amuyangiyeyo, yende ḅasi.

Wakolosai 1:6

Yayaḍe Maagu Mema muyasumwiijweyo nywinywi, ndiyo yeyokusumwiijwani lumwengu yuzima. Yakud̯achaani kula pfantu. Na kula yepfokusumwiijwani, yakuperuyani maisha ya wantu

2 Timoteo 3:10

Ela wewe Timoteo, kuyamanya haya mayongweezo yangu, kuumanya hu mwenendo wangu, na kuyamanya haya yeyonanimud̯a maishani mwangu na haya nihikiziyeyo. Kumanya namuna niit̯isiyevyo mya mya mad̯inani, kumanya namuna ya matsako yangu yaivyo na namuna niyonikidzimiza.

1 Pet̯ero 5:12

Nyakumworeani hi hii ḅaruwa mfufi kwa ugijo wa Sila, nimuserefat̯ie dza ndugu. Nyakumworeani kumungiza mojo na nikishuhuḍia kwamba haya ndiyo matsako ya ḍugha ya Muungu. D̯ubva yagijeni na nguvu.

1 Yohana 2:28

Ndivyo, wanangu watsakwa, ikaani kuzimuni mwakwe ili adzepfokudza mupate kuwa na ujangina wa kusumamia usoni yakwe pfasipfo yutswa.

3 Yohana 1:4

Ntaku kintu chichonanitsekeza dza kusikia ya kwamba, hawa wanangu watsakwa wakuishini hachini.

Yud̯a 1:4

Nyakunenani hivi kwa kwamba kuna wantu wangine wasiomumanya Muungu wadzinyeezeyeo-nyeezeyeo wakinjia kahi yenu. Hawa hawa wantu wakuyongweezani kwamba, at̯i hunaweza kugija kuishi maisha ya kuuḅa t̯amaa nzuka nzuka za kimwii koro Muungu anahufwiya t̯ei. Hukumu ya hawa hawa wantu iyavigwa hangu kae na kae, koro wamukana huyu Ḅwana jeje heket̯u hwiyenae, yani Yesu Kirist̯o.