Mahendo 10:11 - Pokomo

¹¹ Humu nzozini, kaona mbingu zipfenuka na kaona kintu chichochikisuka nsi kikaiyecho dza nguo nkuu igijijweyo na mitse mine, ikiwa kususwani hat̯a hapfa epfokuwa.

Mahendo 10:11 Iomraidhean Croise

Matayo 8:11

Na nyakumwambiani kwamba, wantu wenji wadzakudza kuyawa muyao dzuwa na mutso dzuwa, hangu dzuu hat̯a nsini, na wadzakaa vihako Uhajuni mwa Mbingu, wakiḍya karamu pfamodza na Iburahimu, Isaka na Yakobo.

Luka 3:21

Wantu wonse wepfokwisa kut̯opyegwa, Yesu nae kadza kat̯opyegwa. Makisa epfoakiyomba hizi mbingu zipfenuka,

Yohana 1:51

Makisa Yesu kongeza kunena kamba, “Hachi nyakumwambiani, mudzaziona hizi mbingu zikipfenuka, na malaika wa Muungu wakipfaa mbinguni na kusuka kwangu mimi Mwana jwa Ad̯amu.”

Yohana 11:52

Na nkakut̯aḅiri kwamba Yesu anafwa kwa dzambo ḍya Wayahud̯i t̯u, ela pia kwa dzambo ḍya wana wa Muungu wonse wat̯amisaiyeo-t̯amisaiyeo ili awahendeze kuwa kintu kimodza.

Yohana 12:32

Nami nidzepfopfatsikwa, nawanuha wantu wonse wanakudza kwangu.”

Mahendo 10:12

Humu mwa hi nguo kaona kula aina ya muḍondo: wa maguu mane, weonahambaa na nyuni weonaguuka.

Mahendo 11:5

“Nsiku modza niwa kuyombani mudzini Yopa, nipfoona nzozi. Niona kintu dza nguo nkuu igijijweyo na mitse mine, ikiwa kususwani kuyawa mbinguni, hat̯a idza hafufi nami.

Mahendo 7:56

Kawamba, “T̯ayowani! Nyakuonani mbingu zipfenuka na *Mwana jwa Ad̯amu kasumama mukono kuyume wa Muungu.”

Warumi 1:16

Mimi sione yutswa kuyasumwiiya haya Maagu Mema. Koro haya haya maagu ndiyo nguvu ya Muungu iyonawapfonya wonse weonayahikiza. D̯ura yasumwiijwa kwa Wayahud̯i na wapata mupfonyo, na sasa yakusumwiijwani kwa wantu wa vyeet̯i vingine, nao wakupfonywani.

Warumi 9:4

Wao ni Waisiraeli, na ni wantu watsanijweo kuwa wana wa Muungu. Muungu kawayanga namuna aivyo na kahenda maḍamano nao na pia kawapfa hi *Sharia yakwe. Wao wanamuyomba jeje Muungu jwa hachi na ndiwo wapfokeeyeo hizi ahad̯i za Muungu.

Wagalatia 2:15

Ni ḍugha, swiswi huvyajwa Wayahud̯i, na ntahukwaa hawa wantu wa vyeet̯i hwiwonawahwaa kuwa wanabvise.

Wagalatia 3:28

Ndookomu ntaku ugaragara kawii kahi ya Muyahud̯i na muntu asikwaa Muyahud̯i, wala kahi ya muhumwa na muntu asikwaa muhumwa, ambu kahi ya muke na muyume, koro nyonse mu wamodza hariani mwa Kirist̯o Yesu.

Waefeso 1:10

Kapanga kwamba ngeraye ikifika, anatsanganya kula kintu kiumbijwecho, chicho mbinguni na lumwenguni kiwe nsii ya mut̯awala mumodza, yani Kirist̯o.

Waefeso 3:6

Hi ngadzi ni hi ya kwamba, kuchiiya na kwa kuyahikiza haya *Maagu Mema, wantu wa vyeet̯i nao pia wanazipfokea hizi mvoni za Muungu ezonawaḍalisa wanawe. Kuchiiya na kwa Kirist̯o Yesu, wonse wagala dza viiriiri vya mwii mumodza, na wanazipfokea hizi mvoni za Muungu aahid̯iyezo.

Wakolosai 3:11

Haya haya maisha mapfya ntaya cha kwamba muntu ni Muyahud̯i ambu hat̯a, ambu muntu kahinywa ambu hat̯a. Ntaya cha kwamba muntu kasoma ambu hat̯a. Ntaya cha kwamba anahwajwa dza baud̯a ambu hat̯a, na wala ntaya cha kwamba muntu ni muhumwa ambu hat̯a. Cha mud̯a ni kwamba Kirist̯o ka dzuu ya wonse, na anaishi kuzimuni mwa wantu wonse wamuhikiziyeo.

Upfenuo wa Yohana 11:19

Kisa Hekalu ya Muungu iyo mbinguni ifungujwa, na hiḍi sand̯uku ḍya ḍamano ḍikionekana humuḍe kuzimu. Na kugunga maḅaḅat̯u, mpepfe na muhehemo mukuu wa nsi. Na kugwa mvuya nkuu ya mawe.

Upfenuo wa Yohana 19:11

Kisa niziona hizi mbingu zipfenuka, na niona farasi dzeupe. Huyuḍe aḍipfaiye anahanwa Muhikizika na jwa Ḍugha. Jeje anahukumu na kujwana viha na njia ya hachi.

Upfenuo wa Yohana 4:1

Ḅaad̯a ya hayo, niona nzozi ingine. Kudzayowa niona muḍyango upfenukiyeo hukuḍe mbinguni. Na hiḍe saut̯i iyokuwa dza saut̯i ya t̯arumbet̯a, niyoisikia ikinena nami d̯ura inyamba, “Nzoo huku dzuu nikuyange haya ya kwamba ni had̯i yahendeke huko usoni.”