Mahendo 1:3 - Pokomo

³ Kwa nsiku miyongo mine ḅaad̯a ya kupfatsikwakwe, Yesu kawat̯upukia ntumiwe mweedha kwa mweedha kwa namuna isiyokajeleka kwamba ka mojo. Wamuona na kanena nao dzuu ya Uhaju wa Muungu.

Mahendo 1:3 Iomraidhean Croise

Matayo 21:43

Yesu kagija kunena kamba, “Ndookomu nichokunenani ni kwamba, mvoni za Uhaju wa Muungu munazipfokwa na zinapfegwa wantu wangine wadzeoweza kumuvyaiya Muungu matunda ya kiruhu.

Matayo 28:9

Wepfowakyenda, Yesu kawat̯upukia na kawamba, “Mwaa naghea?” Na hawa wake wamwendea na wepfomufika, wamugija maguu na wamuvunzia nkuhi.

Matayo 3:2

akyamba, “Pfyehuzani mama, koro Uhaju wa Mbinguni umaawa hafufi.”

Matayo 4:2

Hukuḍe, Yesu kafunga kwa nsiku miyongo mine, siku na musikahi, hat̯a mwiso kagijwa ni nzaa.

Marko 16:19

D̯ubva Ḅwana Yesu epfokwisa kunena nao, kahwajwa kwenda mbinguni dzuu, na kakaa mukono kuyume wa Muungu.

Yohana 20:26

Ipfofika hiḍe nsiku ya ḍyuma ingine, hawa wanafund̯i wewa watsanganika pfamodza kawii. Na hi hii buwa Tomasi nae ewa yupfo. Hi miḍyango iwa ifungwa-fungwa, ela ḅwikira, Yesu kasumama kahi yao na kawamba, “Naghea iwe nanywi.”

Yohana 21:1

Ḅaad̯aye, Yesu kawat̯upukia wanafund̯iwe geri ya ziwa ḍya Galilaya. Na hivi ndivyo vihendekeyevyo:

Yohana 21:14

Hu wiwa ni mweedha wa hahu wa Yesu kuwat̯upukia wanafund̯iwe hangu epfofufuka kuyawa kwa wafu.

Mahendo 13:31

Na kwa nsiku nyinji, kenda na kuwat̯upukia-t̯upukia hawa eoakigijana nao hangu Galilaya hat̯a Yerusalemi. Na sasa ndiwo mashaahiḍi wakwe kwa hawa wantu wehu.

Mahendo 19:8

Kwa muḍa wa myezi mihahu, Paulo ekyenda *sunagogini na kunena na hawa wantu pfasipfo oga. Kaḍaat̯iana nao na kuḍema kuwahenda waserefat̯e kwamba haya eyoakinena dzuu ya Uhaju wa Muungu nza ḍugha.

Mahendo 28:23

D̯ubva wahuniyana nsiku ya kut̯ongana na Paulo, na hiyo hiyo nsiku kwenda wantu wenji hapfa pfa Paulo epfoakikaa. Hangu magura hat̯a mioro kanena nao na kuwaimusya dzuu ya Uhaju wa Muungu. Kaḍema kuwahendeza wahikize maagu dzuu ya Yesu akitumia *Sharia ya Musa na matsoro ya manabii, kuyanga ya kwamba haya eyokunenani nza hachi.

Mahendo 28:31

Kasumwiiya dzuu ya Uhaju wa Muungu na kuyongweeza dzuu ya Ḅwana Yesu *Kirist̯o, akinena pfasipfo oga wala kuvingirwa ni muntu.

Mahendo 8:12

Ela wepfohikiza nsumwiizi za Filipo dzuu ya *Maagu Mema ya Uhaju wa Muungu na sari ḍya Yesu *Kirist̯o, wat̯opyegwa hangu wake hat̯a wayume.

Warumi 14:17

Koro Uhaju wa Muungu ntau cha kwamba hwakuḍyani vyakuḍya gani ambu hwakunwani kintu ga. Cha maana ni kwamba hunamala kuwa wahachi na kukaiyana na naghea na tsekea. Haya haya ni mambo hwiyonayapfegwa ni Ruhu Mudheru.

Wakolosai 1:13

Muungu kahupfonya kuyawana na uhumwa wa nguvu za kiza, na kahungiza uhajuni mwa huyu Mwanawe mutsakwa.

1 Watesalonike 2:12

Hwikimuingamaza na kumungiza mojo, na hwikimufunda kut̯wa mutseyatsa kuishi maisha ya kuyanga kwamba mu wantu wa Muungu. Koro jeje kamuhana munjie maremboni mwa uhajuwe.

1 Yohana 1:1

Hwakumworeani dzuu ya huyu eyenahanwa Chuuwo cha Mojo. Ewapfo hangu ḍabvu. Humusikia na kumuona na matso yehu wenye. Ndivyo, humuona na hat̯a humuhora-hora na mikono yehu.