Luka 9:58 - Pokomo

⁵⁸ Ela Yesu kamwamba, “Hamabworama wana mpango zao, na nyuni wana vitsanza vyao. Ela mimi Mwana jwa Ad̯amu, hat̯a pfantu pfa kujufinikiza yukopfe si kintu.”

Luka 9:58 Iomraidhean Croise

Matayo 13:32

Mbeju ya tsare ndiyo mbeju ndoḍo ya mwiso kahi ya mbeju zonse. Ela ikimea inawa muhi mukuu wa kwamba hat̯a nyuni nao wanakudza na kudzielekanyia vitsanza humu mahambini.”

Matayo 8:20

Ela Yesu kamwamba, “Hamabworama wana mpango zao, na nyuni wana vitsanza vyao. Ela mimi *Mwana jwa Ad̯amu, hat̯a pfantu pfa kujufinikiza yukopfe si kintu.”

2 Wakorint̯o 8:9

Nywinywi mumanya namuna ya matsako ya Ḅwana jwehu Yesu *Kirist̯o yaivyo makuu kwehu! Jeje, na ujabvawe wonse wa kiruhu, kadza lumwenguni kadzihendeza masikini kwa dzambo ḍyenu. Kahenda hivi apate kumuhendeza nywinywi majabva ya kiruhu.

Yakobo 2:5

Wandugu zangu watsakwa, nisikiiyani! Muungu katsana hawa weonahwajwa kuwa wantu makowesa wa huju lumwengu na kawahendeza kuwa majabva ya faro. Na ndiwo wadzeouḍala uhajuwe aahid̯iiyeo hawaḍe wonse wamutsakiyeo.