Luka 9:18 - Pokomo

¹⁸ Nsiku modza Yesu ewa pfantu chit̯u jeje na wanafund̯iwe. Yesu kayomba jeje heket̯u makisa kawauza hawa wanafund̯iwe kawamba, “Wantu wanakaa na kwamba mimi ni ga?”

Luka 9:18 Iomraidhean Croise

Matayo 14:23

Akisa kuḍamana nao, kapfaa murimani dzuu jeje heket̯u akayombe. Hat̯a kiza kipfonjia, Yesu amaale ewa ndiye jeje heket̯u hukuḍe murimani.

Matayo 26:36

Makisa Yesu kawahwaa hawa wanafund̯iwe kenda nao nkonde ya mizeituni iyoikihanwa Getsemani. Wepfofika kawamba, “Ikaani hapfa, mimi nyakwendani hapfaḍe kausoni nikayombe.”

Luka 11:1

Nsiku modza Yesu ewa kuyombani pfantu. Epfokwisa, mwanafund̯iwe mumodza kamwamba, “Ḅwana, huyongweeze kuyomba dzevya Yohana awayongweezeyevyo wanafund̯iwe.”

Luka 3:21

Wantu wonse wepfokwisa kut̯opyegwa, Yesu nae kadza kat̯opyegwa. Makisa epfoakiyomba hizi mbingu zipfenuka,

Luka 6:12

Nsiku modza Yesu kenda murimani dzuu akayombe. Kamira hapfaḍe siku zima akimuyomba Muungu.

Luka 9:19

Nao wamwambukuya wamwamba, “Wangine wanakwamba u Yohana Mut̯opya. Ela wangine wanakwamba u nabii Eliya na wangine wanakwamba u mumodza jwa hawa manabii wangine wa kae afufukiye.”

Luka 9:28

Zipfochia chima cha nsiku nane ḅaad̯a ya kusumwiiya hivi, Yesu kamuhwaa Pet̯ero, Yohana na Yakobo, kapfaa nao murimani dzuu akayombe.

Luka 9:29

Epfoakiyomba, Yesu kaperuka shufa, na haya mavwaziye yahenda meupe pee!