Luka 9:12 - Pokomo

¹² Hafufi dzuwa kutswa wanafund̯iwe kumi na wawii wamwendea na wamwamba, “Wayatse hawa wantu wende vidzidzi na makonde yeyo hafufi, wakadzilachie kantu na pfantu pfa kuyaa, koro hapfa ni pfantu chit̯u.”

Luka 9:12 Iomraidhean Croise

Matayo 14:13

Yesu epfovisikia, kanuka na hapfaḍe, kanjia chomboni na kenda kuntu chit̯u, ili aweze kuwa jeje heket̯u. Ela wantu wepfomanya hukuḍe ekoakyenda wanuka na midzini mwao, na wamuhunikanyia na maguu.

Matayo 15:23

Ela Yesu kadzinyamaza mya. Nkakumwambukuya chuuwo hat̯a kimodza. Makisa hawa wanafund̯i wenda wamuyomba Yesu amugonzoze huyuḍe muke wakimwamba, “Ḅwana, mwambe agonzowe t̯i! Kakaiya kuhuuḅa-uḅa na nyuma na kuhubigia machara.”

Matayo 15:32

Makisa Yesu kawahana hawa wanafund̯iwe kawamba, “Nyakuwaoneani t̯ei muno hawa wantu hawa. Koro wesakukaa nami hapfa kwa nsiku ntahu sasa, na ntawa kiḍechonse cha kuḍya. Nami si haḍya ya kuwagonzoza na nzaa zao watsekudzavurika njiani.”

Luka 9:11

Ela wantu wenji wepfoviimuka, nao wamuuḅa Yesu. Kawapfokea na kawasumwiiya dzuu ya Uhaju wa Muungu pfamodza na kupfonya weokuwa wajwazi.

Luka 9:13

Ela Yesu kawambukuya kawamba, “Wapfeni kintu cha kuḍya nywinywi.” Wao wamwamba, “Hwivyonavyo vyonse ni mikahe mitsano na nswi mbii t̯u. Na ntahunaweza kwenda igwiiya kantu hi t̯ut̯a yonse hi!”

Yohana 6:1

Ḅaad̯aye, Yesu na wanafund̯iwe wenda wavuka yombe jwa pfii jwa ziwa ḍya Galilaya ambaḍyo pia ḍikihanwa ḅahari ya Tiberio.

Wafilipi 1:19

koro nimanya kwamba kwa dzambo ḍya haya mayombo yenu na hu ugijo wa huyu Ruhu jwa Kirist̯o Yesu, nayatsigwa huru.