Luka 9:11 - Pokomo

¹¹ Ela wantu wenji wepfoviimuka, nao wamuuḅa Yesu. Kawapfokea na kawasumwiiya dzuu ya Uhaju wa Muungu pfamodza na kupfonya weokuwa wajwazi.

Luka 9:11 Iomraidhean Croise

Matayo 12:15

Yesu ewa kamanya haya ya hawa Mafarisayo weyowakipanga. Ndookomu kanuka kenda kungine, na t̯ut̯a nkuu ya wantu imuuḅa, nae kawapfonya hawaḍe wonse weokuwa wajwazi.

Matayo 14:14

Yesu akwakwojekani kaona t̯ut̯a nkuu na nkuu ya wantu. Na epfowaona, kawasikit̯ikia muno na kanjia kupfonyani hawaḍe weokuwa wajwazi.

Matayo 21:31

Dze, kahi ya hawa hawa wana wowii, munat̯ara kwamba amut̯iiye babajwe ni yu?” Nao wamwambukuya wamwamba, “Ni huyuḍe jwa d̯ura.” Makisa Yesu kawamba, “Ḅasi hachi nyakumwambiani, hat̯a *wahwaa kuwa na mashudha wanaweza kuunjia Uhaju wa Muungu kaḅila nywinywi ntamudzaunjia.

Matayo 21:43

Yesu kagija kunena kamba, “Ndookomu nichokunenani ni kwamba, mvoni za Uhaju wa Muungu munazipfokwa na zinapfegwa wantu wangine wadzeoweza kumuvyaiya Muungu matunda ya kiruhu.

Luka 1:53

Weo nzaani kawakusya na mambo mema mema, na majabva kawayavya mikono mihupfu.

Luka 5:31

Yesu epfowasikia, kawambukuya kawamba, “Weo na matsea ntawanalacha muriit̯a. Weonalacha muriit̯a ni hawaḍe weo wajwazi.

Luka 8:1

Makisa Yesu kanjia charo cha kwenda midzini na vidzidzini akisumwiiya *Maagu Mema ya Uhaju wa Muungu. Epfoakyenda ekigijana na hawa wanafund̯iwe kumi na wawii.

Luka 8:10

Nae kawambukuya kawamba, “Nywinywi muḍyaalijwa kuimanya hi siri ya Uhaju wa Muungu. Ela wangine wanayambijwa ḅasi kimafumbo. Ndookomu kuona wanaona, ela ntawahambuye kintu. Kusikiiya wanasikiiya, ela ntawaimuke kintu.”

Luka 9:10

Hawa *ntumi wepfouja, wamusumwiiya Yesu hayaḍe yonse wahendeyeyo. Makisa kawahwaa wao heket̯u wenda ḍanda za mudzi wa Betisaiḍa.

Luka 9:12

Hafufi dzuwa kutswa wanafund̯iwe kumi na wawii wamwendea na wamwamba, “Wayatse hawa wantu wende vidzidzi na makonde yeyo hafufi, wakadzilachie kantu na pfantu pfa kuyaa, koro hapfa ni pfantu chit̯u.”

Luka 9:2

Makisa kawahuma wakasumwiiye Maagu ya Uhaju wa Muungu na kupfonya wajwazi.

Yohana 4:34

Yesu kawambukuya kawamba, “Mimi chakuḍya changu ni kuhenda miro ya huyu anihumiye na niise hi kazi animpiyeyo kuhenda.

Yohana 6:37

Hat̯a vivyo, hawaḍe wonse wa Baba eonanimpa wanakudza kwangu. Nami hawaḍe wonse weonakudza kwangu siwezi kuwafat̯ula meshi!

Mahendo 28:31

Kasumwiiya dzuu ya Uhaju wa Muungu na kuyongweeza dzuu ya Ḅwana Yesu *Kirist̯o, akinena pfasipfo oga wala kuvingirwa ni muntu.

Warumi 10:14

Ela wantu wanawezadze kuḍihana sari ḍya Ḅwana ikiwa kwamba ntawadzamuhikiza? Na wanawezadze kumuhikiza ikiwa kwamba ntawadzamupata maagu? Na wanawezadze kumupata maagu pfasipfo kusumwiijwa?

Warumi 10:17

D̯ubva muntu anahikiza kwa kusikiiya haya Maagu Mema dzuu ya Kirist̯o.

Warumi 15:3

Hat̯a *Kirist̯o mwenye nkakuhenda mambo ya kudzitsakiza jeje mwenye. Koro haya matsoro yamba, “E Muungu, hivi vitsolo vya hawa wantu wakutsoleyevyo, wakuvinitsolani nami.”

2 Timoteo 4:2

Sumwiiya hichi chuuwo. Wewe gija kukisumwiiya ngera zonse, uwe wakatiwe ambu utseewa wakatiwe. Kisumwiiye kuwafunda wantu, kuwabusa na kuwangiza mojo, na wayongweeze na umpowe.

Waeburania 4:16

D̯ubva nahumudzie Muungu mut̯ei pfasipfo oga. Jeje anahuyanga wemawe na t̯eiye hwipfonawa mad̯inani.