Luka 8:28 - Pokomo

²⁸ Epfomuona Yesu, kaḅaa idzwi kuu. Kamugwiya maguuni na kanena na idzwi kuu kamba, “Unamini Yesu Mwana jwa Muungu awee dzuu? Nakuyomba utsenikuntisa d̯ina!”

Luka 8:28 Iomraidhean Croise

Matayo 8:29

D̯ubva wamuḅaiya madzwi Yesu wamwamba, “E Yesu Mwana jwa Muungu! Unaswini? Munamba kumakudzia kuhuhukumu kaḅila nsiku yehu ntaidzafika?”

Luka 8:27

Yesu epfoyawa na humu chomboni, kat̯angerwa ni muntu jwa humuḍe mudzini eyekuwa na mpepfo nzuka kwa muḍa muyeya. Nkekivwaa nguo na wala nkekikaa nyumbani, ela ekiishi maḅeerani.

Luka 8:29

Kanena dza hivi koro Yesu ewa kaiamuru hi mpepfo nzuka iyoikimusumbuwa nsiku nyinji imuyawe. Hat̯a akyamijwa na kufungwa na minyoro maguuni na mikononi, anaihuna hi minyoro na kupfiikwa yuwandani ni mpepfo nzuka.

Yakobo 2:19

Wewe kuhikiza kwamba kuna Muungu mumodza t̯u, sivyo? Haya, gula ni sawa! Ela hat̯a mpepfo nzuka nazo, zihikiza kwamba kuna Muungu mumodza na zinakuka kuhehema na oga.

2 Pet̯ero 2:4

Koro ikiwa kwamba malaika wagwiyeo nabviseni t̯u, Muungu nkakuwayatsa, ishinu kawafunga-funga na minyoro na kawafat̯ula simo ḍya kiza. Na humuhumuḍe ndimo wemokuindiiyani hi Nsiku yao ya kuhukumigwa.

1 Yohana 3:8

Ela kula agijiye kuhenda nabvise, huyo ni mwana jwa Shaat̯ani, kwa dzambo ḍya kwamba Shaat̯ani kaḍabva kuhenda nabvise hangu pfapfaḍe ḍabvu. D̯ubva maana ya huyu Mwana jwa Muungu adziiyeyo, ni kunanga-nanga hizi kazi za Shaat̯ani.

Upfenuo wa Yohana 20:10

Huyu Shaat̯ani awaariye kafat̯ulwa humuḍe mwa hiḍi ziwa ḍiḍyonawaka moho wa maḅiliḅili. Humuḍe ndimo kufat̯ulijwemo huyuḍe binensa na huyu *nabii jwa nsuwe. Wadzakuntiswa d̯ina siku na musikahi, maishi na maishi.