Luka 8:24 - Pokomo

²⁴ D̯ubva hawa wanafund̯i wamwendea Yesu na wamuyamusa wamwamba, “Ḅwana, Ḅwana, hwakuhihimiani!” Ndookomu kayamuka, kaḍibusa hiḍi vut̯o na haya mawimbi yanyamaa. Ziwa ḍyonse ḍiḍunda mya!

Luka 8:24 Iomraidhean Croise

Matayo 14:30

Ela epfoona namuna ya hiḍi vut̯o ḍivyokuwa kali, Pet̯ero kanjijwa ni oga na kaḍabva kuzama. Iyo saa kaḅaa idzwi kuu kamba, “Ḅwana, nipfonya!”

Matayo 8:25

D̯ubva hawa wanafund̯iwe wamwendea wamuyamusa na madzwi wamwamba, “Ḅwana hupfonye, hwakuhihimiani!”

Marko 4:39

Yesu epfoyamuka, kaḍibusa hiḍi vut̯o na kayaamuru haya mawimbi kayamba, “Ingamaa! Ḍunda mya!” Na pfapfo hiḍi vut̯o ḍinyamaa na ziwa ḍyonse ḍiḍunda mya!

Luka 4:35

Ela Yesu kaibusa hiḍe mpepfo nzuka kayamba, “Nyamaa na umuyawe muntu huyu!” Ndookomu hi mpepfo nzuka imugisa huyu muntu usoni ya wantu, makisa imuyawa. Ela ntaikumukukamisa.

Luka 4:39

Yesu kamwinamia hapfa t̯at̯ani na kaiamuru hi kanat̯a imuyatse. Hi kanat̯a imuyatsa, na iyo saa kanuka kaḍabva kuwawekea chakuḍya.

Luka 5:5

Simioni kamwambukuya Yesu kamwamba, “Ḅwana, humira siku zima hukivuwa na ntahukugiza kiḍechonse. Ela kwa kwamba kuhwambia, hunahega hizi nyavu.”

Luka 8:25

Makisa Yesu kawauza wanafund̯iwe kawamba, “Faro yenu yaku?” Ela wao wamaka na wanjijwa ni oga, na wauzana wao na wao wakyamba, “Huyu huyu ni muntu aweedze, jwa kwamba anaamuru hat̯a vut̯o na mawimbi, navyo vikamut̯ii?”