Luka 8:15 - Pokomo

¹⁵ Na hiziḍe mbeju zigwiyezo kwiiko na mutsanga munono, ni dza hawaḍe wantu weonakisikiiya hichi chuuwo na wakachigija na mojo mumodza na kuwa na faro kwa Muungu. Kwa kuit̯isa kwao, maisha yao yanamuvyaiya Muungu matunda dza hiviḍe vya muhi wivyonavyaa mumpaka ukaara gomba.”

Luka 8:15 Iomraidhean Croise

Matayo 24:13

Ela huyuḍe adzeit̯isa hat̯a mwiso, kadzapfonywa.

Luka 11:28

Ela Yesu kamwambukuya kamwamba, “Tsekea kindindi nza hawaḍe weonasikia chuuwo cha Muungu na kuchigija.”

Luka 6:45

Muntu mwema anahenda mambo mema yeyonayawana na ntaa ya wema wa mojowe. Na muntu muzuka anahenda mambo mazuka yeyonayawana na ntaa ya uzuka wa mojowe. Koro cha muntu echonanena kinayanga hiviḍe vya hu mojowe uivyo!”

Luka 8:14

Hiziḍe mbeju zigwiyezo miwani ni dza hawaḍe weonayasikiiya haya maagu, ela mirumiru za maisha na makulekule ya ujabva wa lumwengu huju vinawashumpanya. Ndookomu faro zao ntaziwezi kungora.

Luka 8:16

Yesu kongeza kunena nao kamba, “Ntaku muntu eyenagiza tsaa kisa akaifinikiza na kija ambu akaingiza t̯at̯ani kuzimu. Ishinu anaipfatsika dzuu ili hawaḍe weokunjiani humuḍe nyumbani wapate kuona.

Yohana 14:15

Yesu kawamba wanafund̯iwe, “Ikiwa kwamba nywinywi munitsaka, munahenda hivi nimuamuriyevyo.

Yohana 15:10

Mimi nizigija amuri za Baba nae kagija kunitsaka. Dza vivyo, nanywi mukizigija amuri zangu munagija kuyaona matsako yangu.

Warumi 2:7

Hawaḍe weonagija kuhenda mema na kulacha kwamba Muungu awakuzye na kuwahendeza wapfegwe hila na kuwa na maisha yasiyosia; wantu dzao, Muungu anawapfa maisha ya kuunga na yuungo.

Warumi 6:22

Ela sasa kwa kwamba mwisakuwekwa huru kuyawana na nabvise na mwisakuwa wahumwa wa Muungu, hi faiḍa mwiyokupatani ni kwamba mwakuhendezwani kuwa wadheru, na mwisowe mudzapata maisha ya kuunga na yuungo.

Warumi 7:18

Nimanya kwamba ntaku dzema ḍiḍeḍyonse ḍiḍyo kuzimuni mwangu kwa dzambo ḍya hu ubenaad̯amu wangu. Koro ingawa kuzimuni mwangu nakaa na kudzisikia kuhenda mema, inanga siyahende.

Warumi 7:4

D̯ubva nanywi pia wandugu zangu, mwisakuwa huru kuyawana na hi Sharia kuchiiya na kwa hivi vya *Kirist̯o afwiyevyo hapfaḍe muhini mwa mpatsa. Muwekwa huru ili muweze kuwa wa muntu yungine. Yani muweze kuwa wa huyu afufwiijwe kuyawa kwa wafu, ili kwamba hwonse huweze kudziyavya wazima wazima kwa Muungu.

Warumi 8:25

Ela hwipfonaindiiya kintu husichodzakipata, hunait̯isa muno.

1 Wakorint̯o 7:19

Koro kuhinywa ambu kutsahinywa kwa muntu ntaku maana yaḍeyonse. Cha mud̯a ni kuzigija amuri za Muungu.

Waefeso 2:8

Mupfonywa kwa t̯ei ya Muungu t̯u kwa kwamba mumuhikiza Kirist̯o. Ela ntamukupfonywa kwa dzambo ḍya mema yaḍeyonse muhendeyeyo. Hu mupfonyo mupatiyeo ni t̯ola ya Muungu amumpiyeyo. Ndookomu nakutseewa jwa kudziona.

Wafilipi 1:11

Maisha yenu yadzadzaa mahendo mema ya ḍugha yeyonayehegwa ni Yesu Kirist̯o mwenye. Na kwa hi hii njia, Muungu anashad̯wa na kuhilwa.

Wakolosai 1:10

Ndookomu nanywi munaishi dza hiviḍe vya wantu wa Ḅwana wevyonamala kuishi, na munamutsakiza jeje kwa kula njia. Munagija kuhenda kula aina ya hendo dzema, na munagija kumumanya jeje zaid̯i na zaid̯i.

Wakolosai 1:6

Yayaḍe Maagu Mema muyasumwiijweyo nywinywi, ndiyo yeyokusumwiijwani lumwengu yuzima. Yakud̯achaani kula pfantu. Na kula yepfokusumwiijwani, yakuperuyani maisha ya wantu

Waeburania 10:36

Nywinywi munamala kuit̯isa ili mupate kut̯imiza miro ya Muungu makisa mupfokeye haya amuahid̯iyeyo.

Waeburania 2:1

D̯ubva ni had̯i huyagije na nguvu haya maagu ya hachi husikiiyeyo, ili hutsekudzakwaara njia.

Yakobo 1:4

Nywinywi ni mugije kuit̯isa hat̯a mwiso, mupate kukuya, mungore na mukamilike kwa kula njia, mutsepfungukijwa ni kiḍechonse.

1 Yohana 2:3

Ikiwa kwamba huzigija hizi amuri za Muungu, d̯ubva huna hakika kwamba humumanya hachi!