Luka 8:1 - Pokomo

¹ Makisa Yesu kanjia charo cha kwenda midzini na vidzidzini akisumwiiya *Maagu Mema ya Uhaju wa Muungu. Epfoakyenda ekigijana na hawa wanafund̯iwe kumi na wawii.

Luka 8:1 Iomraidhean Croise

Matayo 11:1

D̯ubva Yesu epfokwisa kuwaḍama hawa wanafund̯iwe kumi na wawii, kanuka kenda midzi ingine ya hizihiziḍe ḍanda akasumwiiye na kuyongweeza.

Matayo 13:19

Hiziḍe mbeju zigwiyezo njiani, ni dza hawaḍe wantu weonayasikiiya haya maagu ya Uhaju wa Mbinguni na wakatsayaimuka. Muzuka Shaat̯ani anakudza na kuwapfoka hiḍe mbeju ye chuuwo cha Muungu ishat̯ijweyo myojoni mwao.

Matayo 4:23

Yesu kazinga ḍyimbo ḍyonse ḍya Galilaya, akyenda na kuyongweeza masunagogini na kusumwiiya haya *Maagu Mema dzuu ya Uhaju wa Mbinguni. Na pia kapfonya wantu wenji na wenji weokuwa na majwazi na nd̯wari za kula namuna.

Matayo 9:35

D̯ubva Yesu kenda midzi yonse na vidzidzi vye hiḍe ḍanda, akiyongweeza masunagogini na kusumwiiya haya *Maagu Mema dzuu ya Uhaju wa Mbinguni. Na pia kawapfonya wantu wenji na wenji weokuwa na majwazi na nd̯wari za kula namuna.

Marko 1:39

Ndookomu kazinga ḍyimbo ḍyonse ḍya Galilaya, akyenda na kusumwiiya *masunagogini na kuyavya wantu mpfepfo nzuka.

Luka 1:80

Ndookomu huyu mwana kakuya na kenjipfa na nguvu za kimwii na za kiruhu. Kakaa yuwandani hat̯a nsiku adzeyoakidzihambwiiza kwa wantu wa Isiraeli na kuwasumwiiya chuuwo cha Ḅwana.

Luka 20:1

Nsiku modza, Yesu epfoakiyongweeza wantu na kusumwiiya *Maagu Mema humuḍe *Hekaluni, kendejwa ni wakohani wakuu na waalimu wa *Sharia pfamodza na wazee.

Luka 4:18

“Ruhu jwa Ḅwana ka dzuu yangu, ndookomu kanitsana niwasumwiiye makowesa *Maagu Mema. Kanihuma niwalalabviye wafungwa kufungujwa kwao, na kuona kawii kwa ntumbu matso, na kuwahendeza weokuonejwani watseonejwa kawii.

Luka 9:6

Ndookomu wanafund̯i wanuka wanjia charoni, wakyenda mudzi kwa mudzi, wakisumwiiya *Maagu Mema na kupfonya wantu kula pfantu.

Mahendo 10:38

Musikia dzuu ya Yesu jwa Nazareti, na namuna ya Muungu amutsaniyevyo kwa kumumpa Ruhu Mudheru na uwezo. Kwa dzambo ḍya kwamba Muungu ewa nae, Yesu kenda kula pfantu akihenda mambo mema na kupfonya wantu wonse wa Shaat̯ani angiziyeo mikononi.

Mahendo 13:32

Naswi hudzia kumuyehea haya *Maagu Mema: haya ya Muungu aahid̯iyeyo kwamba anawahendea wabibi zehu,

Warumi 10:15

Ae nguzi aya maagu yanasumwiijwadze ikiwa kwamba ntakukuhumwa wantu wakayasumwiiye? Dza vya matsoro yambiiyevyo, “Kudza kwa hawaḍe weonayeha *Maagu Mema ni dzambo dzema muno.”