Luka 7:37 - Pokomo

³⁷ Humuḍe mudzini kwiwa muke shudha. D̯ubva epfosikia kwamba Yesu kakuḍyani nyumbani mwa Mufarisayo, kadza na nt̯upa ya mafuha ghali ya manunkanto.

Luka 7:37 Iomraidhean Croise

Matayo 21:31

Dze, kahi ya hawa hawa wana wowii, munat̯ara kwamba amut̯iiye babajwe ni yu?” Nao wamwambukuya wamwamba, “Ni huyuḍe jwa d̯ura.” Makisa Yesu kawamba, “Ḅasi hachi nyakumwambiani, hat̯a *wahwaa kuwa na mashudha wanaweza kuunjia Uhaju wa Muungu kaḅila nywinywi ntamudzaunjia.

Luka 18:13

Ela huyu muhwaa kuwa kasumama na jwa kuye na nkakuweza hat̯a kunuya matsoye dzuu yuwinguni. Kadzibiga-biga ḅagwini kwa kudziut̯i na kayomba kamba, ‘E Muungu nifwiya t̯ei, mimi ni munabvise!’ ”

Luka 19:7

Wantu wonse waoneyeo hivi waḍabva kuḅuguma-ḅuguma wakyamba, “Yesu kendawa mugeni nyumbani mwa munabvise!”

Luka 5:30

Mafarisayo na wangine kahi yao weokuwa waalimu wa Sharia wawaḅugumia wanafund̯i wa Yesu na kuwauza wakyamba, “Kut̯i mwakuḍyani na kunwa na wahwaa kuwa na wanabvise?”

Luka 5:32

Mimi sikudzia wantu weonadziona kwamba ni wahachi, ela nidzia wanabvise wapfyehuze mama.”

Luka 7:34

Nami *Mwana jwa Ad̯amu nidza, na naḍya na kunwa mvinyo na wantu, ela nywinywi mwakunenani kwamba mimi ni mwambi na ni murumi. Na pia mwakunenani kwamba mimi ni ḅamu jwa wahwaa kuwa na wantu wangine wanabvise!

Luka 7:36

Makisa Mufarisayo mumodza kamuhana Yesu akaḍye chakuḍya nyumbani kwakwe. Nae kenda nyumbani, kakaa chanoni kuḍyani.

Yohana 11:2

Huyu huyu Maria ndiye adzeyeakimuhiiya Ḅwana manunkanto humu maguuni kisa akimufuta na hizi nywiize. Na huyu ndugujwe ndiye eyekuwa mujwazi.

Yohana 9:24

Kisa hawa wakuu wa Kiyahud̯i wamuhana mweedha wa pfii huyu muntu apfonyejwe na wamwamba, “Nena hiḍe ya hachi ya kumushooga Muungu. Swiswi humanya ya kwamba huyu muntu akupfonyeye ni munabvise.”

Yohana 9:31

Dzaambia humanya ya kwamba Muungu nkawasikiye wanabvise, ela anawasikia hawaḍe wonse weonamuvunzia nkuhi na kuhenda miroye.

Warumi 5:8

Ela t̯ayowani namuna ya Muungu ahuyangiyevyo kwamba kahutsaka. Koro ingawa hwikiishi nabviseni, Kirist̯o kadza kafwa kwa dzambo ḍyehu!

1 Timoteo 1:15

Hu muneno wambiyeo, Kirist̯o Yesu kadza lumwenguni adzeawapfonye wanabvise, ni muneno wa ḍugha wa kwamba wantu wauhikize. Nami mimi mwenye, niiwa ndimi munabvise mukuu jwa mwiso.

1 Timoteo 1:9

Na ni had̯i huimuke ya kwamba, sharia iḍeyonse iyonawekwa, ntaiwekwe kwa dzambo ḍya wantu wahachi hat̯a. Inawekwa kwa dzambo ḍya wavunza sharia na wahenda mazuka, wasiomumanya Muungu, wanabvise wasiokuwa na ḍini, na weo walumwengu. Na pia, inawekwa kwa dzambo ḍya wantu weonayaga wababa zao na wamama zao, na kwa dzambo ḍya wayaji wangine.

1 Pet̯ero 4:18

Dza vya matsoro yaneneyevyo yakyamba, “Ikiwa kwamba wadheru t̯u, wanapfona na mbaa na mojo, ehe fat̯i wanabvise na wasiomuhila Muungu wanawa ku?”