Luka 6:7 - Pokomo

⁷ Kwiwa na waalimu wa Sharia na Mafarisayo, weowakilacha kadzambo ka kumusit̯aki nako Yesu. D̯ubva wekimuchimiza waone kwamba anapfonya muntu na nsiku ya Sabato ambu hat̯a.

Luka 6:7 Iomraidhean Croise

Matayo 5:39

Ela mimi nyakumwambiani, namutseipfa halo. Muntu akikuwaja ipfi mfunda ya mukono kuyume, muperuziye na hi mfunda ingine pia.

Marko 3:2

Na pia kwiwa na *Mafarisayo weowakilacha dzambo ḍya kumusit̯aki naḍyo Yesu. D̯ubva wekimuchimiza waone kwamba anamupfonya huyu muntu na nsiku ya Sabato ambu hat̯a.

Luka 13:14

Ela huyu mukuu jwa sunagogi kareja kwa kwamba Yesu kapfonya muntu na nsiku ya Sabato. Ndookomu kanena na hawa wantu kawamba, “Kuna nsiku ntandahu za kwamba munaweza kuhenda kazi. D̯ubva nzoni kuzimuni ya hizo hizo nsiku muriit̯we, ela namutsekudza na nsiku ya Sabato!”

Luka 20:20

Hawa wakuu wa Kiyahud̯i wamuhumiya Yesu wad̯ozi wakadzihendeze dza wantu wahachi, ili walache chuuwo cha kumusocha nacho na wapate kumusit̯aki kwa huyu liwali.

Yohana 9:16

Wangine wa hawa Mafarisayo wamwamba, “Huyu muntu akupfonyeye si muntu jwa kuyawa kwa Muungu, maanaye nkakwakuiuḅani hi sharia ya kutsahenda kazi na nsiku ya Sabato.” Ela wangine wamba, “T̯ambere huyu muntu ni munabvise, andeweza kuhenda mafara ya kumakisa dzayahaya?” Ndookomu wagawika haya mat̯aro.