Luka 6:19 - Pokomo

¹⁹ Hao wantu wonse wekikunduyana ili nangaa wamuhore Yesu t̯u, koro ewa na nguvu za kwamba muntu akimuhora anapfowa, nae kawapfoza wonse.

Luka 6:19 Iomraidhean Croise

Matayo 14:36

Na wamuyomba awaruhusu hawa wajwazi nangaa wauhore hu mutse wa hiḍi vwaziḍye t̯u, ili wapate kupfowa. Na wonse wamuhoreyeo wapfona.

Marko 5:30

Iyo saa Yesu kadzisikia kwamba kayawigwa ni nguvu. Nae kaiperukia hi t̯ut̯a ya wantu na kawauza kawamba, “Ni ga aihoreye e nkanzu yangu?”

Marko 6:56

Kula pfa Yesu endeyepfo, hangu vidzidzini, midzini na hat̯a makondeni, wantu wawaweka wajwazi masokoni na wamuyomba awaruhusu nangaa wauhore hu mutse wa hiḍi vwaziḍye. Na wonse wamuhoreyeo wapfowa.

Marko 8:22

Yesu na wanafund̯iwe wenda hat̯a wafika mudzi wa Betisaiḍa. Na hukuḍe wantu wangine wamuyehea ntumbu matso na wamuyomba amuhore ili amupfoze.

Luka 5:17

Nsiku modza, Yesu ekiyongweeza wantu. Hapfaḍe epfoakiyongweeza, kwiwa kukaa chihako *Mafarisayo na waalimu wa Sharia wayawiyeo Yerusalemi na midzi ingine ya ḍyimbo ḍya Galilaya na Yud̯aya. Na Muungu ewa kamumpa Yesu uwezo wa kupfonya wantu.

Luka 6:18

Hat̯a weokuwa wakisumbujwa ni mpepfo nzuka nao pia wapfonyegwa.

Mahendo 19:12

Hat̯a viyemba na vit̯ambaa evyoakidzifunga vikihwajwa na kupfiikijwa wajwazi, na nd̯wari zao zikapfowa na mpepfo nzuka zikawayawa.

1 Pet̯ero 2:9

Kenge nywinywi mu kyeet̯i kidheru cha wantu watsanijweo ni Muungu. Kamuyavya kizani kamungiza muyangani muwe wakohani wa hila nkuu, ili muweze kulalabva haya mafara yakwe ya kumakisa.