Luka 6:17 - Pokomo

¹⁷ Yesu epfokwisa kutsana ntumiwe kasuka nao nsii ya hu murima. Epfosumama na wanafund̯iwe wenji na wenji, t̯ut̯a nkuu ya wantu imudzia kuyawa ḍanda zonse za Yud̯aya na Yerusalemi na midzi ya Turo na Sidoni iyokuwa geri ya ḅahari. Wewa wadza kusikiiya mayongweezo ya Yesu na wapate kupfonyegwa nd̯wari zao.

Luka 6:17 Iomraidhean Croise

Matayo 11:21

D̯ubva kamba, “Mudzawa na d̯ina iyodze nywinywi wantu wa midzi ya Korazini na Betisaiḍa! T̯ambere hayaḍe mafara ya kumakisa yahendejweyo kwenu yandeewa kwamba yahendegwa midzi ya Turo na Sidoni, saa hizi wenye wandeewa kwamba wavwaa magunia na kudzihiiya ivu hangu iiḍe na iiḍe, kuyanga kwamba wapfyehuza mama!

Matayo 12:15

Yesu ewa kamanya haya ya hawa Mafarisayo weyowakipanga. Ndookomu kanuka kenda kungine, na t̯ut̯a nkuu ya wantu imuuḅa, nae kawapfonya hawaḍe wonse weokuwa wajwazi.

Matayo 14:14

Yesu akwakwojekani kaona t̯ut̯a nkuu na nkuu ya wantu. Na epfowaona, kawasikit̯ikia muno na kanjia kupfonyani hawaḍe weokuwa wajwazi.

Matayo 15:21

Makisa Yesu kanuka na Galilaya kenda ḍanda za midzi ya Turo na Sidoni.

Matayo 5:1

Yesu epfoona hivi vit̯aro vya wantu wenji na wenji vyakumuuḅani wapate kumusikiiya, kapfaa murimani dzuu na kakaa chihako. D̯ubva epfokaa, hawa wanafund̯iwe wamwendea,

Luka 5:15

Hat̯a vivyo maaguye yad̯achaa kula pfantu. Ndookomu vit̯aro vya wantu vimuḍabvata, ili wamusikiiye na kupfonywa nd̯wari zao.

Luka 6:12

Nsiku modza Yesu kenda murimani dzuu akayombe. Kamira hapfaḍe siku zima akimuyomba Muungu.

Luka 6:16

Yud̯a mwana jwa Yakobo, na Yud̯a Isikariota, huyu adzeyeakimuḍawanya Yesu.

Luka 6:18

Hat̯a weokuwa wakisumbujwa ni mpepfo nzuka nao pia wapfonyegwa.