Luka 5:29 - Pokomo

²⁹ Makisa Lawi kamuhendea Yesu jila nkuu, nyumbani kwakwe. Na *wahwaa kuwa wenji na wantu wangine wewapfo karamuni.

Luka 5:29 Iomraidhean Croise

Matayo 11:19

Nami *Mwana jwa Ad̯amu nidza, na naḍya na kunwa mvinyo na wantu, na wantu wananyamba mimi ni mwambi na ni murumi. Na pia wananyamba kwamba mimi ni ḅamu jwa *wahwaa kuwa na wantu wangine wanabvise! Ela nyakumwambiani, mvidhyo iyonayawa kwa Muungu inaonekana kuwa ya hachi kuuḅana na mahendo ya hawaḍe weonawa na hi hii mvidhyo.”

Matayo 5:46

Munapata faiḍa ga, ikiwa kwamba muwatsaka hawaḍe wamutsakiyeo nywinywi ḅasi? Hat̯a *wahwaa kuwa nao ntawanakaa na kuhenda dzevyohivyo?

Matayo 9:10

Ḅaad̯aye, Yesu na wanafund̯iwe wenda nyumbani kwa Matayo wakaḍye chakuḍya. Wepfokaa kuḍyani, wahwaa kuwa wenji na wantu wangine weonahwajwa kuwa wanabvise, nao wakaa chanoni kuḍyani pfamodza nao.

Matayo 9:9

Yesu epfonuka na hapfaḍe, kendakaona *muhwaa kuwa mumodza eyeakihanigwa Matayo. Ewa kakaa chihako humuḍe mwa hi ofisi ya kuhwaiya kuwa. Yesu kamwamba, “Niuḅa!” Nae Matayo kanuka kamuuḅa.

Marko 2:15

Ḅaad̯aye, Yesu na wanafund̯iwe wenda nyumbani kwa Lawi wakaḍye chakuḍya. Wepfokaa kuḍyani, wahwaa kuwa wenji na wantu wangine weonahwajwa kuwa wanabvise, wamuuḅiyeo Yesu, nao wakaa chanoni kuḍyani pfamodza nao.

Luka 15:1

Nsiku modza, *wahwaa kuwa wenji na wantu wanabvise wadza kusikiiya mayongweezo ya Yesu.

Yohana 12:2

Yesu kaelekanyijwa chakuḍya na Marit̯a ekiwawekea hichi chakuḍya. Mumodza jwa hawa wantu weokaa kuḍyani pfamodza na Yesu ewa ni Lazaro.

1 Wakorint̯o 10:27

Muntu mulumwengu akikuhana ukaḍye chakuḍya kwakwe, na ukihuna kwenda, ḍyaa kiḍechonse upfegejwecho pfasipfo kuuza maswali ya kukajela.