Luka 3:36 - Pokomo

³⁶ Shela ewa mwana jwa Kainani, na Kainani ewa mwana jwa Arifakisadi. Arifakisadi ewa mwana jwa Shemu, na Shemu ewa mwana jwa Nuhu. Nuhu ewa mwana jwa Lameki,

Luka 3:36 Iomraidhean Croise

Luka 17:27

Wantu wewa wakaiya raha ya lumwengu: Kuḍya na kunwa, kuhwaa wake na kuyoza wanawake wao, mumpaka hiḍe nsiku ya Nuhu anjiiyeyo humuḍe Safinani, na zuruwa ikidza ikiwayaga wonse.

Luka 3:35

na Nahori ewa mwana jwa Serugu. Serugu ewa mwana jwa Ragau, na Ragau ewa mwana jwa Pelegi. Pelegi ewa mwana jwa Ebari, na Ebari ewa mwana jwa Shela.

Luka 3:37

na Lameki ewa mwana jwa Metusala. Metusala ewa mwana jwa Henoke, na Henoke ewa mwana jwa Yaredi. Yaredi ewa mwana jwa Mahalaleli, na Mahalaleli ewa mwana jwa Kainani.

Waeburania 11:7

Kwa kwamba Nuhu ewa kamuserefat̯a Muungu, kauḅa hayaḍe ya Muungu amwambiiyeyo dzuu ya mambo yadzeyohendeka, asiyodzayaona na matso. Kaelekanya safina ya kuipfonyea nyumbaye dza vya Muungu amwambiiyevyo. Kwa faroye, Nuhu kayanga uzuka wa wantu wa huju lumwengu, na Muungu kamuhwaa dza muntu muhachi kwa dzambo ḍya faroye.

1 Pet̯ero 3:20

Hizi ziwa ni ruhu za hawaḍe wadziziyeo kumut̯ii Muungu hangu kae, ngera za Nuhu. Nuhu epfoakielekanya hi safina, Muungu kawaindiiya muno wapfyehuze mama wapfone. Ela wantu wanjiiyeo humu safinani wewa ni wanane t̯u, nao ndiwo wapfoneyeo na hi zuruwa.

2 Pet̯ero 2:5

Na Muungu nkakuyatsa kuwahukumu wantu wa kae wasiomuhila. Ndookomu kaiyeha hi zuruwa iwayagiyeo wantu wazuka wonse, ela kamupfonya Nuhu, pfamodza na hawa wantu wangine wafungahe t̯u, kwa kwamba Nuhu ndiye eyeakisumwiiya dzuu ya kuishi maisha ya kumutsakiza Muungu.