Luka 24:6 - Pokomo

⁶ Hapfa nkapfo, kafufuka. Kumbukani hivi evyomwambia epfokuwa Galilaya.

Luka 24:6 Iomraidhean Croise

Matayo 12:40

Koro dza hiviḍe vya Yona akaiyevyo mahumboni mwa ḅungumi kwa nsiku ntahu, siku na musikahi, ndivyo vyangu mimi Mwana jwa Ad̯amu nidzevyokaa mbeerani kwa nsiku ntahu, siku na musikahi.

Matayo 16:21

D̯ubva hangu hapfo hapfo, Yesu kaḍabva kuwambia hawa wanafund̯iwe wazi wazi dzuu ya mambo yadzeyomuhendekea. Kawamba ni had̯i ende Yerusalemi adzekokuntiswa d̯ina ni hawa wazee na wakohani wakuu pfamodza na waalimu wa Sharia. Kawamba kadzayagwa, ela nsiku ya hahu kadzafufujwa kuyawa kwa wafu.

Matayo 27:63

D̯ubva wepfofika wamwamba, “Ḅwana, hukumbuka kwamba huyuḍe muntu munsuwe asidzafwa ewa kamba anafwa, ela nsiku ya hahu anafufuka kuyawa kwa wafu.

Matayo 28:6

Ela hapfa nkapfo. Kesakufufuka kuyawa kwa wafu dza viviḍe aneneevyo. Nzoni muyowe hapfa epfot̯ambaarwa,

Marko 16:6

Nae kawamba, “Namutsemaka. Nimanya kwamba mwakumulachani Yesu jwa Nazareti apfatsikijwe. Ela hapfa nkapfo, kesakufufuka kuyawa kwa wafu. T̯apfayoweni hapfa pfantu epfowekwa.

Marko 8:31

Makisa Yesu kaḍabva kuwayongweeza hawa wanafund̯iwe. Kawamba kwamba ni had̯i jeje Mwana jwa Ad̯amu adzeakuntiswe d̯ina na adzizigwe ni hawa wazee na wakohani wakuu, pfamodza na waalimu wa Sharia. Kawamba kadzayagwa, ela nsiku ya hahu kadzafufujwa kuyawa kwa wafu.

Luka 24:34

wakyamba, “Ḅwana kafufuka ḍugha! Kamut̯upukia Simioni!”

Luka 24:5

Hawa wake wanjijwa ni oga muno na wagisa matso mutsangani. Hawaḍe wantu wawauza wawamba, “Kut̯i mwakumulachani kahi ya wafu muntu eye mojo?

Luka 9:22

Makisa Yesu kawamba, “Mimi *Mwana jwa Ad̯amu ni had̯i nikuntiswe d̯ina muno na nidzizigwe ni wazee, wakohani wakuu na waalimu wa *Sharia. Nidzayagwa, ela nsiku ya hahu nidzafufujwa kuyawa kwa wafu.”

Luka 9:44

“Pfindiiyani muno haya niyokumwambiani. Mimi Mwana jwa Ad̯amu nidzangizwa mikononi mwa wantu.”

Mahendo 2:24

Ela Muungu kamufufuya kuyawa kwa wafu. Kamunwiiya tsungu wa kufwa, kwa dzambo ḍya kwamba kifo ntachindeweza kumuweka mufungwa.

2 Watesalonike 2:5

Munakumbuka kwamba nipfokuwa huko huko kwenu, haya haya niyamwambia. Sivyo?