Luka 24:39 - Pokomo

³⁹ Niyowani hi mikono na maguu yangu, na munamanya kwamba ndimi haswa. Nihorani, nanywi munanihambuya, koro nkoma nka mifufa na nyama dza hizi nizonazo mimi.”

Luka 24:39 Iomraidhean Croise

Luka 23:46

Makisa Yesu kaḅaa idzwi kuu, kamba, “Baaba, ruhu yangu nyakuiwekani mikononi mwako!” Epfonena hivi, kahuna nsoho.

Luka 24:38

Ela Yesu kawamba, “Kut̯i mwakuḍanganikani na kuwa na chichu?

Luka 24:40

Epfonena hivi kawayanga haya maguuye na mikonoye.

Yohana 20:20

Epfonena hivi akisa, kawayanga hi mikonoye na hizi mbavuze. Nao hawa wanafund̯i watsekea muno kwa dzambo ḍya kumuona Ḅwana.

Yohana 20:25

Epfodhumbuka, hawa wenziwe wamwamba, “Humuona Ḅwana.” Ela Tomasi kawamba, “Nisidzamuona Yesu mimi mwenye siwezi kuhikiza meshi! Siwezi kuhikiza mumpaka niziyowe hizi mad̯a ze mishumari humu mikononi mwakwe na nizipfapfase na mukono wangu mimi mwenye! Na siwezi kuhikiza mumpaka ningize mukono humu mbavuni asimikijweko na nishuhuḍie mwenye!”

Yohana 20:27

Makisa kamwamba Tomasi, “Ngiza ḍowe hapfa uiyowe hi mikono yangu. Yeha mukono unipfapfase humu mbavuni. Yatsa huko kutsahikiza kwako. Hikiza!”

Mahendo 1:3

Kwa nsiku miyongo mine ḅaad̯a ya kupfatsikwakwe, Yesu kawat̯upukia ntumiwe mweedha kwa mweedha kwa namuna isiyokajeleka kwamba ka mojo. Wamuona na kanena nao dzuu ya Uhaju wa Muungu.

1 Watesalonike 5:23

Nyakumuyombani Muungu, eyenahupfa naghea, amudherese muwe wadheru kaḅisa! Jeje namuweke maisha yenu yonse, ya mwii na ruhu, yatseewa na t̯amba zuka ḍiḍeḍyonse, hat̯a nsiku ya Ḅwana jwehu Yesu Kirist̯o adzepfouja mweedha wa pfii.

Waeburania 12:9

Wababa zehu wa kibenaad̯amu t̯u wanahuadhiḅu kisa vivyo hukawahila. Ehe fat̯i Baba jwehu jwa mbinguni hunamala kumuhila chima ga, ili hupate kuwa na maisha ya kiruhu?

1 Yohana 1:1

Hwakumworeani dzuu ya huyu eyenahanwa Chuuwo cha Mojo. Ewapfo hangu ḍabvu. Humusikia na kumuona na matso yehu wenye. Ndivyo, humuona na hat̯a humuhora-hora na mikono yehu.