Luka 24:36 - Pokomo

³⁶ Wepfowakiwasumwiiya haya, iyo saa Yesu jeje mwenye kasumama kahi yao na kawamba, “Naghea iwe nanywi!”

Luka 24:36 Iomraidhean Croise

Matayo 10:13

Ikiwa kwamba wakuḅali kumupfokea, wayatsiyeni mvoni. Ela wakitsamupfokea, hi mvoni inamuhafia nywinywi.

Marko 16:14

Ḅaad̯aye kawii, Yesu kawat̯upukia hawaḍe wanafund̯iwe kumi na mumodza wepfokaa kuḍyani. Kawabusa vyumuni kwa kutsowa faro kwao na myojo yao myumu, koro ntawakuwahikiza hawaḍe wamuoneyeo epfofufuka.

Luka 10:5

Mukinjia nyumba ya muntu, d̯ura ambani, ‘Nyumba hii naiwe na naghea.’

Yohana 14:27

Nichokumuyatsiani ni naghea ya myojo. Na hi hii naghea niyonamumpa mimi siyo hi naghea ya lumwengu iyonaweza kumumpa. D̯ubva namutsesukusika myojo na wala namutseewa na oga.

Yohana 16:33

Nimwambia haya haya mambo yonse, ili mupate kuingamaa myojo kwa dzambo ḍya kuwa na uharia nami. Gula huju lumwengu junamukuntisa d̯ina, ela namutseefwa mojo, mimi nijushinda lumwengu.”

Yohana 20:26

Ipfofika hiḍe nsiku ya ḍyuma ingine, hawa wanafund̯i wewa watsanganika pfamodza kawii. Na hi hii buwa Tomasi nae ewa yupfo. Hi miḍyango iwa ifungwa-fungwa, ela ḅwikira, Yesu kasumama kahi yao na kawamba, “Naghea iwe nanywi.”

Mahendo 1:3

Kwa nsiku miyongo mine ḅaad̯a ya kupfatsikwakwe, Yesu kawat̯upukia ntumiwe mweedha kwa mweedha kwa namuna isiyokajeleka kwamba ka mojo. Wamuona na kanena nao dzuu ya Uhaju wa Muungu.

1 Wakorint̯o 15:5

Kamut̯upukia Pet̯ero, makisa kawat̯upukia hawa *ntumi kumi na wawii.

1 Wakorint̯o 15:7

Kadzakamut̯upukia na Yakobo, makisa kawat̯upukia na hawa ntumi wonse.

2 Watesalonike 3:16

Hwakumuyombeani ili Ḅwana jwehu eyenahupfa naghea, amumpe naghea kut̯wa kwa kula namuna. Ḅwana nawe nanywi nyonse.

Upfenuo wa Yohana 1:4

Mimi Yohana, nyakumworeani nywinywi wantu wa matsanganiko mofungahe yeyo ḍyimbo ḍya Asia. Huyu eyekuwapfo, eyepfo na adzeyekudza, pfamodza na hizi ruhu mfungahe zizonasumama usoni ya kitiche cha kihaju na Yesu Kirist̯o eye shaahiḍi jwa kuhikizika, nawamuvodhye na kumumpa naghea nto. Yesu Kirist̯o ndiye jwa d̯ura afufukie kuyawa kwa wafu na akiwa Haju jwa mahaju yonse ya humu lumwenguni. Jeje kahutsaka na kahuweka huru kuyawana na nabvise kwa kwiha mwaziwe.