Luka 24:21 - Pokomo

²¹ Aswi hwiidzikwat̯ya kwamba ndiye adzeewapfonya wantu wa Isiraeli. Si t̯uu, yeo ni nsiku ya hahu hangu mambo haya yepfohendeka.

Luka 24:21 Iomraidhean Croise

Luka 1:68

“Ḅwana Muungu jwa Isiraeli ashad̯we, koro kadzia kuhugija swiswi hwiwo wantuwe.

Luka 2:38

Simioni epfoakinena na Maria na Yusufu, Hana kadza. Nae kaḍabva kumushad̯a Muungu na kusumwiiya dzuu ya huyu mwana kwa kula eyeakimuyoweeya Muungu aikombowe Yerusalemi.

Mahendo 1:6

Hawa ntumi wepfot̯ut̯aa pfamodza na Yesu, wamuuza wamwamba, “Ḅwana, munamba ujwakuwagalichia uhaju wantu wa Isiraeli mahafufini?”

Mahendo 7:28

Unatsaka kuniyaga nami, dzeviḍe umuyagiyevyo huyuḍe Mumisiri dzana?’

Upfenuo wa Yohana 5:9

Wamwimbia wiya mupfya wakyamba, “Wewe unamala kuchihwaa hichi chuo, uivunze hi mihuri yakwe. Koro wewe kuyagwa, na kwa mwaziwo, kumukombowea wantu Muungu. Wewe kumukombowea wantu, wa kuyawa kula nsi na kyeet̯i na lugha.