Luka 23:4 - Pokomo

⁴ Makisa Pilato kawambia wakohani wakuu na t̯ut̯a ya wantu kawamba, “Huyu muntu huyu sikwakumuonani na tsowa ḍiḍeḍyonse.”

Luka 23:4 Iomraidhean Croise

Matayo 27:19

Na si hayo t̯u, Pilato epfokaa kitini pfakwe pfa kuyavia hukumu, mukaziwe ewa kamuyehea ḍaamisa kamwamba, “Manya utsemuhenda dzambo zuka ḍiḍeḍyonse huyo muntu huyo asiye tsowa. Yeo hu mojo wangu unjia yuhangaiko yukuu muno. Koro siku nihangaishwa ni ndoho nzuka muno dzuu ya huyo huyo muntu.”

Marko 15:14

Ela Pilato kawauza kawamba, “Kwa dzambo ga? Munatsaka nimupfatsike, munamba kahenda tsowa ga?” Ela wao wongeza kuḅaa madzwi wakyamba, “Napfatsikwe! Napfatsikwe!”

Luka 23:22

Pilato kawambia kawii mweedha wa hahu, “Ayu muntu ayu, kahenda tsowa ga? Sikwakuonani uzuka uḍewonse ahendeyeo hat̯a imumale kufwa t̯i! Hat̯a vivyo, anapfuhwa na lucha, makisa anafungujwa.”

Yohana 18:38

Pilato kamuuza kamwamba, “E hachi ni i?” Kisa kanuka kayawa huku nze kawii, kendakawamba hawa Wayahud̯i, “Mimi huyu muntu sikwakumuonani na tsowa ḍiḍeḍyonse ahendeyeḍyo!

Mahendo 25:25

Kenge sikuona tsowa ḍiḍeḍyonse ahendeyeḍyo, ḍimumaliyeḍyo kuhukumigwa kufwa. Na kwa kwamba jeje mwenye kayomba ya kwamba hi d̯ubiye yende ikanenwe ni Kaisari, nihuna kumupfiika kwa Kaisari.

Mahendo 3:13

Huyu Muungu jwa wabibi zehu aḍe Iburahimu, Isaka na Yakobo, kamurembosa Yesu, eye muhumisijwe. Mumungiza mikononi mwa wakuu wehu, nanywi mumudziza usoni ya Pilato, hat̯a Pilato epfohuna kumuyatsa huru.

Waeburania 7:26

Yesu ndiye huyu Mukohani Mukuu haswa hwiyenamala kuwa nae. Jeje ni mudheru, na nka t̯amba zuka wala nabvise. Kat̯engwa na wanabvise na kawekwa pfantu pfa hila nkuu mbinguni dzuu.

1 Pet̯ero 1:19

ela mugujwa na mwazi wa thamani wa Kirist̯o, wiwo dza mwazi wa mvuugiya ya mwanambuzi asiye na kapet̯a wala t̯amba.

1 Pet̯ero 2:22

Jeje nka nabvise ahendeeyo, na wala ntaku hat̯a nsiku modza akuliyeokuliyeo muntu.

1 Pet̯ero 3:18

Koro Kirist̯o mwenye, kafwa mweedha mumodza t̯u kwa dzambo ḍya wanabvise. Jeje eye muhachi kafwa kwa dzambo ḍya wantu wasikwaa wahachi. Kahenda hivi ili aweze kumuyeha kwa Muungu. Wamuyaga hu mwii, ela kafufuka, na ruhuye yaa mojo.