Luka 20:17 - Pokomo

¹⁷ Yesu kawayowa kisa kawauza kawamba, “Mani d̯ubva maana ya aya matsoro ni? Haya matsoro yamba, ‘Hiḍi iwe ḍidzizijweḍyo ni wambaka, ndiḍyo ḍigaliyeḍyo iwe muhimu ḍya kumbakia.’

Luka 20:17 Iomraidhean Croise

Matayo 21:42

Ndookomu Yesu kawauza kawamba, “Munamba ntamudzayasoma hat̯a aya matsoro yambiyeyo, ‘Hiḍi iwe ḍidzizijweḍyo ni wambaka, ndiḍyo ḍigaliyeḍyo iwe muhimu ḍya kumbakia. Hiḍi hiḍi ni dzambo ḍya mafara ḍihendejweḍyo ni Ḅwana. Naswi huona namuna ḍiivyo dzambo kuu.’ ”

Marko 10:23

Yesu kawahaaza hawa wanafund̯iwe kisa kawamba, “Hachi ni vyumu muno kwa muntu jabva kuunjia Uhaju wa Muungu!”

Marko 12:10

Makisa Yesu kawauza kawamba, “Munamba ntamudzayasoma hat̯a aya matsoro yambiyeyo, ‘Hiḍi iwe ḍidzizijweḍyo ni wambaka, ndiḍyo ḍigaliyeḍyo iwe muhimu ḍya kumbakia.

Marko 3:5

Yesu kawahaaza na dzitso ḍya ngoro, koro kasikit̯iswa ni myojo yao myumu. Kisa kamwamba huyuḍe muntu ahinamfiye, “Ugonzowe hu mukonowo!” Huyuḍe muntu kaugonzowa na upfowa pfapfo.

Luka 19:41

Yesu epfofika hafufi na Yerusalemi, akiuona hu mudzi na kahaku, kawiiya

Luka 22:37

Koro hachi nyakumwambiani, haya matsoro yambiyeyo, ‘Kawekwa kit̯aro kimodza na wanabvise,’ ni had̯i yat̯imiye. Ndookomu kula chorejwecho matsoroni dzuu yangu chakut̯imiani.”

Luka 22:61

Yesu kaperuka kamuyowa Pet̯ero. Na pfapfo Pet̯ero kakumbuka hiviḍe vya Yesu amwambiiyevyo, “Hu huu siku wa yeo, nkuku asidzawika, unanikana myeedha mihahu kwamba nkunidzi.”

Luka 24:44

Makisa kawamba, “Haya ndiyo mambo niyomwambia nipfokuwa pfamodza nanywi amaale. Niimwamba, yonse yorejweyo dzuu yangu Shariani mwa Musa, kwa matsoro ya manabii, na kwa chuo cha Zaburi, ni had̯i yat̯imiye.”

Yohana 15:25

Na hivi wahendeyevyo, wat̯imiza hivi vya haya matsoro yambiyeyo, ‘Waniwekea kevo pfasipfo saḅaḅu iḍeyonse.’

Mahendo 4:11

Yesu ndiye jwa haya matsoro yambiyee, ‘Hiḍi iwe muḍidziziyeḍyo nywinywi wambaka, ndiḍyo ḍigaliyeḍyo iwe muhimu ḍya kumbakia.’

Waefeso 2:20

Nywinywi mwaa dza mawe yambakijweyo dzuu ya hu musinji uwekejweo ni hawa *ntumi na manabii. Na Yesu Kirist̯o mwenye ndiye hiḍi iwe muhimu ḍya mwiso.

1 Pet̯ero 2:6

Koro haya matsoro yamba, “T̯ayowa, nyakuwekani iwe ḍya musinji mudzini Sayuni. Ni iwe muhimu ḍya thamani niḍitsaniyeḍyo. Na yuḍejwonse amuhikiziye huyu eye dza iwe, nkanagizwa yutswa meshi.”