Luka 2:39 - Pokomo

³⁹ Ndookomu Maria na Yusufu wepfot̯imiza yonse ya hi sharia ya Ḅwana iyoikitsaka wahende, wauja Nazareti ya Galilaya.

Luka 2:39 Iomraidhean Croise

Matayo 3:15

Ela Yesu kamwambukuya kamwamba, “Kwe hi saasambi viyatse viwe dzevi hivi, koro ihumala kuhenda kula chicho cha sawa usoni kwa Muungu.” Ndookomu Yohana nae kamut̯opya.

Luka 1:26

Ipfofika mwezi wa handahu wa mimba ya Elizabeti, malaika Gabrieli kahumwa ni Muungu ende mudzi wa Nazareti wiwo nsi ya Galilaya.

Luka 1:6

Wowii wewa wantu wahachi na wamutsakiza Muungu, wakiuḅa amuri na sharia zonse za Ḅwana.

Luka 2:4

Yusufu kanuka kuyawa mudzi wa Nazareti wiwo Galilaya, kenda mudzi wa Betilehemu wiwo Yud̯aya, ekovyajwa haju D̯aud̯i. Yusufu kenda hukuḍe, koro ewa jwa sindo na yukoo jwa D̯aud̯i.

Luka 2:51

D̯ubva Yesu kagijana nao, wauja Nazareti na nkakuyatsa kuwat̯ii. Maria kayaweka haya yonse mojoni mwakwe.

Luka 4:16

Makisa Yesu kenda Nazareti, mudzi ayeejweo. Nsiku ya *Sabato kanjia *sunagogini dza abarat̯iyevyo. Epfokuwa humuḍe kuzimu, kasumama asome haya matsoro madheru.

Luka 4:23

Yesu kawamba, “Hachi mudzanyambia inganyo hiḍi, ‘Muriit̯a, dziriit̯e mwenye.’ Koro mudzanyambia nihende mambo hapfa mudzini dza hayaḍe musikiiyeo kwamba nihenda Kaperinaumi.