Luka 2:26 - Pokomo

²⁶ Ruhu jwa Muungu kamuyanga Simioni kwamba asidzafwa kadzamuona Mupfonya adzeehumwa ni Muungu.

Luka 2:26 Iomraidhean Croise

Matayo 2:12

Ḅaad̯aye Muungu kadzakanena na hawa wamanyi nyoha ndohoni kawamba watsegala na kwa Herod̯e kawii. Ndookomu nao wagala makwao na njia ingine.

Luka 2:29

“Ḅwana, sasa kumaḍit̯imiza ḍamano ḍyako, d̯ubva muyatse muhumwao ende na naghea.

Luka 9:27

Hachi nyakumwambiani, wangine wenu wasumamiyeo hapfa ntawakudzafwa mumpaka wadzepfouona Uhaju wa Muungu.”

Yohana 1:41

Cha d̯ura cha And̯erea ahendeyecho ni kwamba, kamupata Simioni, huyu ndugujwe, na kamwamba, “Humuona huyu Masiya.” Masiya maanaye ni Kirist̯o.

Yohana 20:31

Ela haya yorejweyo, yoregwa ili mupate kuhikiza kwamba Yesu ni Mwana jwa Muungu na ndiye huyu *Masiya. Yoregwa ili kwamba, kwa kumuhikiza jeje muweze kuwa na maisha ya kuunga na yuungo.

Yohana 4:29

“T̯anzoni mumuyowe huyu muntu anyambiiye kula kintu changu nichohenda. Anaweza kuwa kwamba ndiye ayu Masiya?”

Yohana 8:51

Hachi nyakumwambiani, kula eyenagija haya mayongweezo yangu nkawezi kufwa meshi!”

Mahendo 10:38

Musikia dzuu ya Yesu jwa Nazareti, na namuna ya Muungu amutsaniyevyo kwa kumumpa Ruhu Mudheru na uwezo. Kwa dzambo ḍya kwamba Muungu ewa nae, Yesu kenda kula pfantu akihenda mambo mema na kupfonya wantu wonse wa Shaat̯ani angiziyeo mikononi.

Mahendo 17:3

Kawaimusya haya matsoro na kawayanga tswee ya kwamba iwa imumala *Kirist̯o kuoneswa tsungu, na kufufuka kuyawa kwa wafu. Kawamba, “Huyu Yesu niyekumusumwiiyani dzuuye, ndiye huyu *Masiya.”

Mahendo 2:36

Pet̯ero kongeza kunena kamba, “D̯ubva wantu wonse wa Isiraeli, nawamanye hakika kwamba huyu Yesu, mumupfatsikiye nywinywi muhini mwa mpatsa, ndiye jwa Muungu amuhendeye Ḅwana na *Masiya!”

Mahendo 9:20

Nkakukawa, kaḍabva kusumwiiya masunagogini akyamba, “Yesu ni Mwana jwa Muungu.”

Waeburania 11:5

Kwa dzambo ḍya kwamba Henoke ewa kamuserefat̯a Muungu, Muungu kamuhwaa akiwa mojo ḅila kufwa na nkakuonekana kawii. Haya matsoro yamba, Henoke asidzahwajwa kwenda mbinguni dzuu, ewa kaishi maisha ya kumutsakiza Muungu.