Luka 19:37 - Pokomo

³⁷ Na epfofika hafufi na t̯eremuko ḍya Murima wa Mizeituni, kit̯aro chonse cha wanafund̯iwe waḍabva kumushad̯a Muungu na madzwi makuu kwa haya mafara ya kumakisa yonse weyoona. Wamushad̯a wakyamba,

Luka 19:37 Iomraidhean Croise

Matayo 21:1

Yesu na wanafund̯iwe wepfowakyenda Yerusalemi, wafika mudzi wa Betifage wiwo Murima wa mihi ya Mizeituni. Hu huu mudzi ntawiiwa kuye na Yerusalemi. Yesu kahuma wanafund̯iwe wawii usoni kawamba,

Marko 13:3

Ḅaad̯aye Yesu ewa kakaa chihako Murima wa Mizeituni wiwoukiyowana ne Hekalu. Pet̯ero, Yakobo, Yohana na And̯erea wamwendea wakiwa wao heket̯u na wamuuza wamwamba,

Marko 14:26

D̯ubva wepfoḍya wakisa, wakwimba wiya wa shad̯u makisa wenda Murima wa Mizeituni.

Luka 18:43

Nae pfapfo kaḍabva kuona. Ndookomu kamuuḅa Yesu, huku akimushad̯a Muungu. Na wantu wonse wayaoneyeo haya haya mafara wamushad̯a Muungu.

Luka 19:20

Makisa muhumisi yungine kadza kamwamba, ‘Ḅwana, ziziḍe fwedha unimpiyezo hizino. Niiwa nizibiga fundo nguoni nizifitsa.

Luka 19:29

Epfofika Betifage na Betania, pfantu pfa Murima wa mihi ya Mizeituni, Yesu kahuma wanafund̯iwe wawii nguzi.

Luka 19:36

Epfoakichia, wantu wangine wahandika nkanzu zao njiani.

Luka 7:16

Wantu wonse weokuwapfo wagijwa ni oga na wamushad̯a Muungu wakyamba, “Hut̯upukijwa ni *nabii mukuu kahi yehu. Muungu kadzia kuhugija swiswi, wantuwe!”

Yohana 12:18

Ndiyo maana wantu wenji na wenji wenda wakamut̯angere Yesu, kwa dzambo ḍya kwamba wewa wasikia dzuu ya hiḍi hiḍi dzambo ḍya kumakisa ahendeyeḍyo.