Luka 18:30 - Pokomo

³⁰ Muungu anamuujiza menji zaid̯i hizi hizi ngera na kumumpa maisha ya kuunga na yuungo ngera zizokudzani.”

Luka 18:30 Iomraidhean Croise

Matayo 12:32

Yuḍejwonse aneneye chuuwo kizuka dzuu yangu mimi Mwana jwa Ad̯amu anaweza kuyatsijwa. Ela muntu akimukufuru Ruhu Mudheru nkawezi kuyatsijwa huju huju lumwengu na hat̯a lumwengu jwijokudzani.

Matayo 4:24

D̯ubva kula pfantu, wantu waḍabva kunena wemawe, na shad̯umeaye ifika hat̯a ḍyimbo ḍya Siria. Wantu wamuyehea wajwazi weokuwa na nd̯wari za kula namuna. Hangu wantu weokuwa na mpepfo nzuka, weokuwa na vifofo, na hat̯a weohinamfa, wonse wayehegwa kwa Yesu awapfonye, nae kawapfonya wonse.

1 Timoteo 4:8

Mazowezi ya mwii yana maana, kwa dzambo ḍya kwamba yanaungiza nguvu hu mwii. Ela mazowezi ya kiruhu yana maana zaid̯i, koro yanayeha faiḍa kwa haya haya maisha ye saasambi na kwa maisha yadzeyokudza.

1 Timoteo 6:6

Gula kumuyomba Muungu na hachi kunamuhendeza muntu kuwa jabva ḍugha, ikiwa kwamba kat̯oseka na hivi evyonavyo.

Upfenuo wa Yohana 2:10

Mudzakuntiswa d̯ina zaid̯i na zaid̯i mahafufini. Ela namutseshooga. T̯asikiani, Shaat̯ani njwakumuyehea maḍemo ya kuhendeza wangine wenu wangizwe magerenzani. Munawa d̯inani kwa muḍa wa nsiku kumi. Nywinywi hat̯a ni kufwa fwani, ela namutseiyekeza faro yenu. Nami namumpa t̯ubvo ḍya maisha ya kuunga na yuungo.

Upfenuo wa Yohana 2:17

Eye na masikio, nasikiye hivi vya huyu Ruhu evyokuyambiani matsanganiko. Na kula adzeyeshinda, namumpa sehemu ya hiḍe mana ifitsijweyo na namumpa iwe dzeupe ḍyorejweḍyo sari ipfya ḍisiḍyomanyigwa ni yuḍejwonse, lamud̯a huyu adzeyeḍipfegwa.’ ”

Upfenuo wa Yohana 3:21

Na kula adzeyeshinda, namumpa kukaa pfamodza nami kwa kiti changu cha kihaju dza hiviḍe vyangu nishindiyevyo nikikaa pfamodza na Baba kwa kitiche cha kihaju.