Luka 18:1 - Pokomo

¹ Makisa Yesu kawambia wanafund̯iwe inganyo ḍya kuwayongweeza kuyomba meshi pfasipfo kudhimwa.

Luka 18:1 Iomraidhean Croise

Luka 11:10

Koro kula ayombeye anapfegwa, alachie anaona, na agongeye muḍyango anafungwiijwa.

Luka 21:36

Mirani na kuyomba muno mupate nguvu za kuyachia na naghea haya haya mambo yonse yadzeyohendeka, ili mudze musumame usoni yangu mimi Mwana jwa Ad̯amu.”

Warumi 12:12

Tsekeani muno kwa dzambo ḍya haya madzikwat̯yo ya Muungu amumpiyeyo. Mwipfonapatwa ni mad̯ina, nywinywi it̯isani, na saa zonse mukae mukiyomba.

2 Wakorint̯o 4:1

Muungu kahupfa hu huu uhumisi kwa t̯eiye, ndookomu naswi ntahufwe mojo kuuhenda.

Wagalatia 6:9

Nahutsetsoka kuhenda mema, koro hukitsaafwa mojo, nsiku idzakudza hudzepfovuna mema.

Waefeso 6:18

Yombani kut̯wa dza vya Ruhu Mudheru evyonamuwezesa, mukimuyomba Muungu kwa haḍya zenu zonse. Wani matso na mugije kuyomba kut̯wa! Na mukwakuyombani wayombeyeni na wantu wonse wa Muungu.

Wafilipi 4:6

Namutsemuud̯ama dzuu ya dzambo ḍiḍeḍyonse, ela kwa kula hali, ikaani na kumuyomba Muungu mukimwambia haḍya zenu. Na ikaani mukimuyaviza ḍuḍa kut̯wa.

Wakolosai 4:12

Epafuro, muhumisi jwa Kirist̯o Yesu, kuyawa mudzini kwenu, nae kamukedhya nto. Kakumuyombeani muno kwamba Muungu amumpe kungora kiruhu, na muwe na uhakika wa hivi vya Muungu evyonatsaka muhende.

Wakolosai 4:2

Gijani kuyomba kut̯wa. Na mukwakuyombani, chimizani na mukae mukimuyaviza ḍuḍa Muungu.

1 Watesalonike 5:17

Yombani kut̯wa!