Luka 15:24 - Pokomo

²⁴ Koro huyu mwanangu ewa kafwa, ela sasa kafufuka. Ewa kaara, ela sasa kaonekana.’ D̯ubva jila iḍabva.

Luka 15:24 Iomraidhean Croise

Matayo 8:22

Ela Yesu kamwamba, “Wewe niuḅa t̯u! Wayatse wafu wawazike wafu wao.”

Marko 8:22

Yesu na wanafund̯iwe wenda hat̯a wafika mudzi wa Betisaiḍa. Na hukuḍe wantu wangine wamuyehea ntumbu matso na wamuyomba amuhore ili amupfoze.

Luka 10:19

T̯ayowani, nimumpa mawezo ya kuranga nyoka na ninge, na uwezo dzuu ya nguvu za nyabva na ntaku kintu kidzechomuonesa tsungu.

Luka 15:23

Kisa yehani mwanangombe munono mumutsinze, na huḍye hutsaike.

Luka 15:25

Haya yonse yahendeka huku mwanawe hangafa akiwa ka nkondeni. Galichumea yakwe, epfofika hafufi na nyumbani kasikia misindo ya ngoma na kuvina.

Luka 15:32

Ni hachi kuhenda jila na kutsekea, koro niit̯ara ya kwamba huyu ndugujo ewa kafwa, ela katsi ka mojo. Ewa kaara ela sasa kaonekana.’ ”

Luka 15:4

“Ikiwa kwamba mumodza jwenu ana mbuzi gana, na modza imwaaria, anahendadze? Nkanaziyatsa azi miyongo kenda na kenda yuwandani anakwendailacha ai mbuzi yaarieyo mumpaka aione?

Luka 19:10

Koro mimi *Mwana jwa Ad̯amu nidziya kuwalacha na kuwapfonya hawaḍe waariyeo.”

Luka 9:60

Ela Yesu kamwamba, “Wayatse wafu wawazike wafu wao. Ela wewe enda ukasumwiiye maagu ya Uhaju wa Muungu.”

Yohana 11:25

Yesu kamwamba, “Mimi ndimi niyenafufuya wantu na kuwapfa maisha kawii. Muntu anihikiziyee mimi, hat̯a akifwa huyo anaishi kawii.

Yohana 5:21

Na dza hiviḍe vya huyu Baba evyonawafufuya wafu akawapfa maisha, huyu Mwana nae pia anawapfa maisha hawaḍe atsaniyeo.

Warumi 11:15

Koro ikiwa kwamba Muungu epfowadziza Waisiraeli t̯u, kahendeza wantu wa vyeet̯i vingine lumwenguni wawe waḅamuzwe. Ehe fat̯i adzepfowakuḅali Waisiraeli kawii? Ntavinawa dza kwamba kakuwafufuyani kawii wantu weokuwa dza kwamba wafwa?

Warumi 12:15

Wantu wakiwa na tsekea, nanywi pia ikaani mukitsekea pfamodza nao. Na wakiwa na ngiru, nanywi pia sikit̯ikani pfamodza nao.

Warumi 6:11

D̯ubva nanywi pia dzihwaeni dza wantu muifwiiyeo nabvise na mwiwokuishini kwa dzambo ḍya Muungu kuchiiya na kwa Kirist̯o Yesu.

Warumi 6:13

Namutseziyatsa sehemu ziḍezonse za mii yenu ziihumikie nabvise kwa kuhenda mazuka. Ishinu dziyavyeni kwa Muungu koro muyawa kufwani na sasa mumapfegwa maisha mapfya. Kula kiiriiri cha mii yenu nakihumike kwa kazi nyema ya Muungu.

Warumi 8:2

Koro kuchiiya na kwa Yesu Kirist̯o, hizi nguvu za huyu Ruhu jwa Muungu eyenamumpa maisha ya kuunga na yuungo zisakumuweka huru kuyawana na hi sharia ya nabvise iyonayeha kufwa.

1 Wakorint̯o 12:26

Kiiriiri kimodza cha hu mwii kikikuntiswa d̯ina, hivi vingine vyonse navyo vinaona tsungu; kiiriiri kimodza kikishad̯wa, hivi vingine vyonse navyo vinatsekea.

Waefeso 2:1

Nywinywi, d̯ura mwiiwa dza wantu mufwiyeo kwa dzambo ḍya kutsamut̯ii Muungu kwenu na kwa dzambo ḍya mahendo yenu yangine ya nabvise mwiyomukihenda.

Waefeso 2:5

Ingawa hwiwa dza wantu hufwiyeo kwa dzambo ḍya mazuka hwiyohukihenda, Muungu kahufufuya dza viviḍe amufufwiiyevyo *Kirist̯o na kahupfa maisha mapfya pfamodza nae. Mupfonywa kwa t̯ei ya Muungu t̯u.

Waefeso 5:14

koro muyanga meshi ukikiyangaiya kintu kinamanyikana hiviḍe kiivyo haswa. Ndiyo maana vyambigwa: “Yamuka wewe wiyekuyaani! Sikae dza mufu, fufuka! Na Kirist̯o anakuyangaiya dza dzuwa.”

Wakolosai 2:13

Nywinywi mwiiwa dza wantu mufwiyeo kwa dzambo ḍya kuishi maisha ya nabvise na kwa dzambo mwikit̯awaligwa ni t̯amaa zenu nzuka nzuka mwizokuwa nazo. Ela sasa, Muungu kamufufuya kamumpa maisha mapfya pfamodza na Kirist̯o. Jeje kahuyatsia nabvise zehu zonse.

1 Timoteo 5:6

Ela muke muchiwa adzingizie maisha ya kudzitsekeza, huyo kesakufwa, hat̯a ingawa kakuishini.

Yud̯a 1:12

Wepfonakaa kuḍyani pfamodza nanywi dza wantu wa Ḅwana, wanamungiza t̯amba zuka kwa dzambo ḍya kwamba, wanakaiya kudzimuud̯amia wao heket̯u pfasipfo hat̯a yutswa. Hawa hawa waalimu wa nsuwe waa dza mawingu ya mvuya yeyonabigwa ni vut̯o ḅasi na yakatsayeha mvuya iḍeyonse. Waa dza mihi isiyovyaa matunda hat̯a ikiwa kwamba ni ngera ya kwamba iwe na matunda. Waa dza mihi ifwiyeyo na ikikujwa-kujwa na miziye.

Upfenuo wa Yohana 3:1

Huyu eyekuwa dza *Mwana jwa Ad̯amu kagija kunena nami kanyamba, “Kwa huyu malaika jwa tsanganiko ḍya Saridi, mworeye umwambe, ‘Huyu eye na hizi ruhu mfungahe za Muungu na hizi nyoha mfungahe, kamba hivi: Mimi nimanya mahendo yenu yonse. Munaonekana dza wantu mwiwo mojo, katsi huku mufwa.