Luka 14:15 - Pokomo

¹⁵ Mumodza jwa hawaḍe wantu wakaiyeo kuḍyani epfosikia haya, kamwamba Yesu, “Wadzawa na tsekea nkuu muno hawaḍe wadzeokaa kuḍyani jila ya Uhaju wa Muungu.”

Luka 14:15 Iomraidhean Croise

Matayo 25:10

D̯ubva hawaḍe wanawake maḍyura wepfokwenda kuguyani mafuha, huyu ḅwana harusi kafika. Ndookomu hawaḍe weokuwa t̯ayari wanjia pfamodza nae kwe jila ya harusi, na hu muḍyango ufungwa.

Matayo 8:11

Na nyakumwambiani kwamba, wantu wenji wadzakudza kuyawa muyao dzuwa na mutso dzuwa, hangu dzuu hat̯a nsini, na wadzakaa vihako Uhajuni mwa Mbingu, wakiḍya karamu pfamodza na Iburahimu, Isaka na Yakobo.

Luka 12:37

Hawaḍe wahumisi wadzawa na tsekea nkuu ḅwana jwao akidza akiwat̯onga wa matso. Hachi nyakumwambiani, kadzadzifunga, anawaweka chihako na kuwahumikia.

Luka 13:29

Wantu wadzakudza kuyawa muyao dzuwa na mutso dzuwa, hangu dzuu hat̯a nsini, na wadzakaa vihako jilani mwa Uhaju wa Muungu.

Luka 22:16

Koro nyakumwambiani, sikudzaiḍya kawii hat̯a maanaye kindindi yadzepfot̯imia Uhajuni mwa Muungu.”

Luka 22:30

Mudzaḍya na kunwa nami Uhajuni mwa Muungu, na mudzakaa viti vya kihaju mukihukumu vyeet̯i kumi na viwii vya Waisiraeli.”

Upfenuo wa Yohana 19:9

Makisa huyuḍe malaika kanyamba, “Ora hivi: Wana tsekea iyodze hawaḍe waalikijweo kwe karamu ye harusi ya huyu Mwana Mbuzi.” Kisa kanyamba, “Hivi ni vyuuwo vya ḍugha viyawiyevyo kwa Muungu.”