Luka 13:24 - Pokomo

²⁴ “Jwaniani kunjia na hu muḍyango mutseke, koro hachi nyakumwambiani, ni wenji wadzeotsaka kuunjia, ela ntawakudzaweza.

Luka 13:24 Iomraidhean Croise

Matayo 11:12

Hangu ngera ya Yohana aḍabviyeyo kusumwiiya hat̯a hi hii saasambi, haya maagu dzuu ya Uhaju wa Mbinguni yakupfingwani kula pfantu. Na hao hao wantu weokuyapfingani, wakutsakani kuukuya Uhaju wa Mbingu na nguvu.

Luka 13:23

Muntu mumodza kamuuza kamwamba, “Ḅwana, yani awa wadzeopfona ni wachuchu ḅasi?” Yesu kambukuya kamba,

Luka 21:36

Mirani na kuyomba muno mupate nguvu za kuyachia na naghea haya haya mambo yonse yadzeyohendeka, ili mudze musumame usoni yangu mimi Mwana jwa Ad̯amu.”

Yohana 13:33

Wanangu watsakwa, mimi si muḍa muyeya kawii wa kukaa nanywi. Mudzanilacha ela ntamukudzaniona. Na viviḍe nivyowambia hawa wakuu wenu wa Kiyahud̯i, nanywi nyakuvimwambiani, kwamba, ‘Huku nikokwendani, nywinywi ntamuwezi kuniuḅa.’

Yohana 6:27

Nywinywi namutsehangaikia chakuḍya chichonanangika! Ishinu hangaikiani chakuḍya kisichonangika, chichonapfa wantu maisha ya kuunga na yuungo. Mimi *Mwana jwa Ad̯amu naweza kumumpa hicho hicho chakuḍya, koro Muungu Baba jwangu kanimpa mamulaka ya kuhenda dzavyo.”

Yohana 7:34

Nywinywi mudzanilacha ela ntamukudzaniona, na huku nidzekowa nywinywi ntamuwezi kukufika.”

Yohana 8:21

Kisa Yesu kanena na hawa wantu kawii kawamba, “Mimi nijwakumuyatsa. Nanywi munanilacha na kunilacha ela munafwa nabvise mwenu. Huku nikokwendani mimi nywinywi ntamuwezi kwenda.”

Warumi 10:3

Ntawaimuke namuna ya Muungu evyonawahendeza wantu kuwa wahachi usoni kwakwe. Ishinu wanakaa na kudzilachia njia zao wao wenye za kudzihendeza wahachi usoni kwakwe, ndookomu wadziza kuihikiza hi njia ya Muungu ayaviyeyo ya kuwahendeza wahachi.

Wakolosai 1:29

Ndiyo maana hi hii kazi nyakuihendani na hiḍu muno. Nyakujwanani kuihenda na nguvu zangu zonse za Kirist̯o animpiyezo.

Waeburania 4:11

D̯ubva naswi nahujwaniye kunjia huku kuntu kwa kuyavya hara kwa Muungu ahuwekeeko. Nakutseewa hat̯a mumodza jwehu jwa kutsaat̯ii dza hawaḍe weokuwa hukuḍe yuwandani na wakishindwa kuinjia hi nsi ya kuyavya hara.

2 Pet̯ero 1:10

D̯ubva wandugu zangu, hendani kula mwichonaweza ili muyange kwamba Muungu kamutsana na kamuhana ḍugha! Mukihenda hivyo ntamunagwa nabviseni meshi.