Luka 13:14 - Pokomo

¹⁴ Ela huyu mukuu jwa sunagogi kareja kwa kwamba Yesu kapfonya muntu na nsiku ya Sabato. Ndookomu kanena na hawa wantu kawamba, “Kuna nsiku ntandahu za kwamba munaweza kuhenda kazi. D̯ubva nzoni kuzimuni ya hizo hizo nsiku muriit̯we, ela namutsekudza na nsiku ya Sabato!”

Luka 13:14 Iomraidhean Croise

Matayo 12:2

D̯ubva hawa *Mafarisayo wepfowaona wamuuza Yesu wamwamba, “T̯awayowe hawa wanafund̯iwo! Kut̯i wakuhendani kazi na nsiku ya Sabato na hali hi *Sharia yehu ihuvingira kuhenda dzavyo?”

Marko 5:22

Na hapfo kudza mukuu mumodza jwa *sunagogi eyeakihanwa Yairo. Epfomuona Yesu kamugwiya maguuni.

Luka 6:11

Hawa Mafarisayo na waalimu wa Sharia wepfoona hayo wareja muno. Ndookomu waḍabva kuuzanya kwamba wamuhendedze Yesu.

Luka 6:7

Kwiwa na waalimu wa Sharia na Mafarisayo, weowakilacha kadzambo ka kumusit̯aki nako Yesu. D̯ubva wekimuchimiza waone kwamba anapfonya muntu na nsiku ya Sabato ambu hat̯a.

Luka 8:41

Makisa kudza muntu eyeakihanigwa Yairo, eyekuwa mumodza jwa wakuu wa *sunagogi. Kenda kamugwiya Yesu maguuni na kamuyomba ende nyumbani kwakwe.

Mahendo 13:15

Hawa wakuu wa hiḍi sunagogi wepfokwisa kusoma chuoni mwa *Sharia za Musa na matsoro ya manabii, wawahumia muntu Paulo na Baranaba wawamba, “Wandugu, hunatsaka munene na hawa wantu ikiwa kwamba muna vyuuwo vya kuwafunda.”

Mahendo 18:17

Wonse wamugija Sositene, mukuu mupfya jwa sunagogi na wamubiga pfapfaḍe pfantu pfa hukumu. Naloo ntavikumumud̯a Galio hat̯a kachuchu.

Mahendo 18:8

Huyu mukuu jwa sunagogi ahanijwe Kirisipo na nyumbaye yonse wamuhikiza Ḅwana. Na wantu wangine wenji wa Korint̯o wakisikia hichi chuuwo, wahikiza na wat̯opyegwa.

Warumi 10:2

Koro naweza kuyavya ushaahiḍi kwamba wanatsaka muno kumutsakiza Muungu, ela ntawadzi hi njia ya kumutsakiza nayo.