Luka 12:5 - Pokomo

⁵ Namuyanga huyu jwa kumushooga. Mushoogeni Muungu, koro jeje ana uwezo wa kwamba akisa kumuyaga muntu anaweza kumungiza *mohoni. Hachi nyakumwambiani, Muungu ndiye jwa kushoogwa!

Luka 12:5 Iomraidhean Croise

Matayo 10:28

Namutsewashooga hawaḍe weonaweza kumuyaga mii ḅasi na hali ntawa uwezo wa kuziyaga ruhu zenu. Ela mushoogeni Muungu, koro jeje ana uwezo wa kungiza *mohoni mwii na ruhu ya muntu, na avinange-nange tswee.

Matayo 25:41

Yesu kagija kunena kamba, “Makisa huyu haju kadzawaperukia hawaḍe weo mukono tsonso wakwe awambe, ‘Haya ninukiani hapfa nywinywi wantu muḍuijweo! Endani kwa moho usiozimika maishi, welekanyijweo kwa dzambo ḍya Shaat̯ani na malaikawe.

Matayo 25:46

Ndookomu hawa wantu wazuka wadzangizwa pfantu pfa adhaḅu isiyosia. Ela wahachi wadzangizwa pfantu pfa maisha ya kuunga na yuungo.”

Matayo 5:22

Ela mimi nyakumwambiani kwamba, yuḍejwonse amurejeeye mwenziwe t̯u, nae pia ananjia hukumuni. Na yuḍejwonse amutsoleye-tsoleye mwenziwe na kumuhana muntu asiye maana, nae pia nsiku ya mwiso ka hat̯arini ya kunjia *mohoni.

Marko 13:23

D̯ubva nywinywi chimizani, haya haya mambo nimayamwambia d̯ura yasidzahendeka.”

1 Watesalonike 4:6

Ndookomu muntu nka ruhusa ya kumutsowea Mukirist̯o mwenziwe ne hi njia, ahwae kisichokuwa chakwe. Haya hwiiyamwambia na humukanya mudzit̯unze nayo, maanaye Ḅwana anawahukumu hawaḍe wonse weonahenda mambo dza haya.

Waeburania 10:31

Vyaa oga muno kugwa mikononi mwa Muungu eye mojo.

2 Pet̯ero 2:4

Koro ikiwa kwamba malaika wagwiyeo nabviseni t̯u, Muungu nkakuwayatsa, ishinu kawafunga-funga na minyoro na kawafat̯ula simo ḍya kiza. Na humuhumuḍe ndimo wemokuindiiyani hi Nsiku yao ya kuhukumigwa.

Upfenuo wa Yohana 14:7

Kalalabva na idzwi kuu kamba, “Mushad̯eni Muungu na kumumpa hila, koro ngeraye ya kuyavya hukumu imaafika! Muvunziyeni nkuhi jeje Muungu aziumbiye mbingu na nsi, ḅahari na kula pfepfo na madzi!”

Upfenuo wa Yohana 15:4

E Ḅwana, jwa kutsakushooga wewe ni ga? Ambu ni ga jwa kutsaḍikuzya sariḍyo? Wewe ndiwe Mudheru wewe heket̯u. Kwa kwamba haya mahendoyo ya hachi yanaonekana wazi tswee, vyeet̯i vyonse vinakuvunzia nkuhi.”

Upfenuo wa Yohana 20:14

Makisa Kufwa na Lumwengu jwa Wafu vifat̯ulwa humuḍe mwa hiḍi ziwa ḍya moho. Hiḍi ziwa ḍya moho ndiko huku kufwa kwa pfii.