Luka 11:31 - Pokomo

³¹ Nsiku ya hukumu idzepfofika hat̯a huyu malikia jwa nsi ya ḍanda ya nsini nae kadzawahukumu wantu wa hizi hizi ngera. Koro jeje kanuka na hangu Sheḅa, nsi iyo kuye na kuye, na kadzia kusikiiya ukaro wa haju Sulemani. Na hapfa kuna muntu eye mukuu kumuchia hat̯a haju Sulemani, ela nywinywi mwakudzizani kumusikia.

Luka 11:31 Iomraidhean Croise

Matayo 12:42

Hiyo hiyo nsiku idzepfofika, hat̯a huyu malikia jwa nsi ya ḍanda ya nsini nae kadzawahukumu wantu wa hizi hizi ngera. Koro jeje kanuka na hangu Sheḅa, nsi iyo kuye na kuye, na kadzia kusikiiya ukaro wa haju Sulemani. Na hapfa kuna muntu eye mukuu kumuchia hat̯a haju Sulemani, ela nywinywi mwakudzizani kumusikia.”

Luka 3:22

na Ruhu Mudheru kamusukia kwa yuumbo jwa ndiwa. Makisa kusikika idzwi kuyawa mbinguni ḍikyamba, “Wewe u mwanangu mutsakwa, nitsakizwa nawe muno.”

Luka 9:35

Makisa kusikika idzwi kuyawa humu winguni ḍikyamba, “Huyu ni Mwanangu, mutsanwa jwangu, musikiiyeni jeje!”

Warumi 2:27

Ndookomu nywinywi Wayahud̯i mudzahukumigwa ni wantu wa vyeet̯i vingine weokuiuḅani hi Sharia ingawa ntawadzahinywa. Wadzamuhukumu kwa dzambo ḍya kwamba, ingawa mwakuhinywani na hi Sharia muyorejwa, ela munakaa na kuivunza.

Waeburania 11:7

Kwa kwamba Nuhu ewa kamuserefat̯a Muungu, kauḅa hayaḍe ya Muungu amwambiiyeyo dzuu ya mambo yadzeyohendeka, asiyodzayaona na matso. Kaelekanya safina ya kuipfonyea nyumbaye dza vya Muungu amwambiiyevyo. Kwa faroye, Nuhu kayanga uzuka wa wantu wa huju lumwengu, na Muungu kamuhwaa dza muntu muhachi kwa dzambo ḍya faroye.