Luka 10:2 - Pokomo

² Wasidzanuka, Yesu kawamba, “Haya mavuno ni menji, ela hawa wa kuyavuna ni wachuchu. D̯ubva muyombeni huyu Ḅwana jwa haya mavuno ongeze wantu wa kuyavuna.

Luka 10:2 Iomraidhean Croise

Matayo 20:1

Makisa Yesu kagija kunena na hawa wanafund̯iwe kawamba, “Uhaju wa Mbinguni waa dza mwenye nkonde arookeye magura kwendalacha wantu wa kwendahenda kazi nkondeni mwakwe mwa mizabibu.

Marko 13:34

Kudza kwa Mwana jwa Ad̯amu kunaweza kuinganywa na muntu anukiye nyumbani akinjia charoni. Ela asidzanuka, kamuḍama kula muhendakazijwe dzuu ye kazi eyonamala kuhenda na kamuamuru huyu mwamia muḍyango awe matso.

Marko 16:15

Makisa Yesu kawamba wanafund̯iwe, “Endani lumwenguni kwonse, mukayasumwiiye haya *Maagu Mema kwa wantu wonse.

Marko 16:20

Ndookomu hawa wanafund̯iwe wazinga kula pfantu wakisumwiiya chuuwo cha Muungu. Na Ḅwana kahenda kazi pfamodza nao akiyangizia nguvu haya maagu wasumwiiyeyo, koro kawawezesa kuhenda mambo menji na menji ya mafara. Amina.

Luka 9:1

Yesu kawahana pfamodza hawa wanafund̯iwe kumi na wawii na kawapfa nguvu na mawezo ya kuyavya mpepfo nzuka zonse na kupfoza majwazi.

Mahendo 11:19

Hawa wahikiza wat̯amisaa kwa dzambo ḍya d̯ina wakuntiyezo ngera ya Sit̯efano epfoyagwa. Wangine wao wenda hat̯a Foinike, kilulu cha Kupuro na Antiokia, wakisumwiiya haya maagu kwa Wayahud̯i t̯u.

Mahendo 13:2

Wepfowakimuyomba Ḅwana na kufunga, Ruhu Mudheru kawamba, “Munitsaniyeni Baranaba na Sauli, kuhenda hi kazi niwahaniiyeyo.”

Mahendo 13:4

D̯ubva Baranaba na Sauli wepfohumwa ni huyu Ruhu Mudheru, wenda hat̯a Selukia wendeekowakinjia chomboni wakyenda kilulu cha Kupuro.

Mahendo 20:28

Dzit̯unzeni wenye na kuwat̯unza wahikiza wonse wayatsijweo mikononi mwenu ni Ruhu Mudheru. Wani wat̯ikisa wa tsanganiko ḍya Muungu, aḍidzigwiiyeḍyo kwa mwazi wa Mwanawe.

Mahendo 22:21

Ela Ḅwana kanyamba, ‘Enda, nyakukuhumani kuye kwa hawa wantu wa vyeet̯i vingine.’ ”

Mahendo 8:4

Hawa wahikiza wat̯amisaiyeo, wenda kula pfantu wakisumwiiya hichi chuuwo.

1 Wakorint̯o 12:28

Humu tsanganikoni, Muungu katsana wantu. Wa d̯ura ni hawa *ntumi, wa pfii ni hawa weonasumwiiya Maagu ya Muungu, na wa hahu ni hawa waalimu. Kisa kuna na wahenda mambo ya mafara, wakiuḅwa ni hawaḍe weo na mat̯ola ya kupfoza wajwazi na hawaḍe weonaweza kusaiḍia wasiodziweza. Kisa kuna na hawaḍe weo na mat̯ola ya kusumamia wantu na hawaḍe weonaweza kunena na lugha ngeni.

1 Wakorint̯o 15:10

Ela kwa dzambo ḍya t̯ei ya Muungu anifwiiyeyo, nigala hivi niivyo, na hizi mvonize animpiyezo ntazikwenda ḅasi. Koro nihenda kazi na hiḍu kuchia hawa ntumi wangine wonse. Ela haswa haswa simi niihendeye, ni haya mat̯ola ya Muungu animpiyeyo kuihendea hi kazi.

2 Wakorint̯o 6:1

Swiswi hu wahenda kazi pfamodza na Muungu, ndookomu hwakumuyombani mutseyayatsa haya matsako ya Muungu amuyangiyeyo, yende ḅasi.

Wafilipi 2:21

Hawa wangine wonse wakumuud̯amiani mambo yao wao wenye ḅad̯ala ya kumuud̯amia haya mambo ya Yesu Kirist̯o.

Wafilipi 2:25

Niona urembo kwamba nguzi nimugaliche ndugu Epafurodito kwenu. Jeje ni muhenda kazi mwenzangu hwiyekuijwaniani pfamodza hi injili. Na ndiye muhumiyee kudzanigija ninkiwa na t̯uri.

Wafilipi 2:30

koro ewa kayangiza hat̯arini haya maishaye hat̯a echamba afwe kwa dzambo ḍye kazi ya Kirist̯o, ili aweze kuunimpa hu ugijo musioweza kuuniyeheya nywinywi wenye na mukono.

Wakolosai 1:29

Ndiyo maana hi hii kazi nyakuihendani na hiḍu muno. Nyakujwanani kuihenda na nguvu zangu zonse za Kirist̯o animpiyezo.

Wakolosai 4:12

Epafuro, muhumisi jwa Kirist̯o Yesu, kuyawa mudzini kwenu, nae kamukedhya nto. Kakumuyombeani muno kwamba Muungu amumpe kungora kiruhu, na muwe na uhakika wa hivi vya Muungu evyonatsaka muhende.

1 Watesalonike 2:9

Nywinywi wenye, wandugu, mumanya namuna huhendeyevyo kazi na hiḍu muno! Koro hwipfohukisumwiiya chuuwo cha Muungu kwenu, hufwa kudzihendea kazi siku na musikahi ili hutseewa muzigo kwenu.

1 Watesalonike 5:12

Wandugu, hwakumuyombani muwahile hawaḍe weonahenda kazi na hiḍu kahi yenu, weonamusumamia dza wayongozi humu matsanganikoni na kumukanya mutseegwa nabviseni.

2 Watesalonike 3:1

Wandugu zangu, zaid̯i ya yonse, hwakumuyombani mugije kuhuyombea, ili hichi chuuwo cha Ḅwana kipate kud̯achaa haraka. Gijani kuhuyombea ili hawaḍe hudzeowasumwiiya wakihikize hichi chuuwo dza hivi vyenu mukihikiziyevyo.

1 Timoteo 4:10

Ndiyo maana hwiyokumuud̯amani na kuhenda kazi na hiḍu kwa kwamba hwakudzimukwat̯yani Muungu eye mojo. Jeje ndiye mupfonya jwa wantu wonse, na haswa jwa hawaḍe wahikiziyeo.

2 Timoteo 4:5

Ela wewe, zigwaze akilizo kwa kula hali. It̯isa mad̯inani, ugije kusumwiiya haya *Maagu Mema. Henda kula kintu chichonakumala kuhenda dza muhumisi jwa Muungu.

Filemoni 1:1

Mimi Paulo nifungijwee gerenzani kwa dzambo ḍya kuyasumwiiya haya *Maagu Mema dzuu ya *Kirist̯o Yesu, ndimi niyekworani hi hii ḅaruwa pfamodza na ndugu yehu Timoteo. Nyakukworeani wewe ndugu Filemoni wiye muhumisi mwenzehu hukutsakiyee muno.

Waeburania 3:6

Ela *Kirist̯o ni Mwana muhikizika jwa Muungu eyekuisumamiani nyumba ya Muungu. Naswi hu nyumbaye ikiwa kwamba hugija kuwa na uhakika wa haya madzikwat̯yo hwiyonadzivunia.

Upfenuo wa Yohana 2:1

Huyu eyekuwa dza *Mwana jwa Ad̯amu kagija kunena nami kanyamba, “Kwa huyu malaika jwa tsanganiko ḍya Efeso, mworeye umwambe, ‘Huyu azigijiye hizi nyoha mfungahe na mukono wakwe wa kuyume na eyenakwenenda kahi ya hi mihi mifungahe ya dhahaḅu ya kupfatsikia tsaa, kamba hivi: