Filemoni 1:9 - Pokomo

⁹ Ela kwa dzambo ḍya hivi hutsakananiyevyo, niona kwamba heri nikuyombe kuliko kukuamuru. Ndiyo maana mimi Paulo niiye jarisa, na nifungijwee gerenzani kwa dzambo ḍya Yesu, nyakukuyombani dza ḅamujo.

Filemoni 1:9 Iomraidhean Croise

Warumi 12:1

D̯ubva wandugu zanguni, kwa dzambo ḍya hivi vya Muungu ahufwiiyevyo t̯ei, nyakumuyombani muno kwamba mudziyavye kwakwe kaḅisa kaḅisa. Dziyavyeni kwa Muungu dza mvuugiya nd̯eru iyo mojo na iyonatsakiza usoni kwakwe. Hendani hivi kwa kwamba hi ndiyo njia halisi ya kiruhu ya kumuyomba Muungu.

2 Wakorint̯o 5:20

D̯ubva swiswi hu maḅalozi wa Kirist̯o, na Muungu mwenye kakuhutumiani swiswi kunena nanywi. Kwa sari ḍya Kirist̯o, hwakumuyombani mumuyatse Muungu amuhendeze muwe waḅamuzwe kawii.

2 Wakorint̯o 6:1

Swiswi hu wahenda kazi pfamodza na Muungu, ndookomu hwakumuyombani mutseyayatsa haya matsako ya Muungu amuyangiyeyo, yende ḅasi.

Wagalatia 3:26

Nyonse mu wana wa Muungu kwa njia ya faro hariani mwa Kirist̯o Yesu.

Waefeso 3:1

Mimi Paulo nifungwa gerenzani kwa dzambo ḍya kuhenda kazi ya *Kirist̯o Yesu animpiyeyo, ya kumusumwiiya nywinywi musiokuwa Wayahud̯i.

Waefeso 4:1

D̯ubva mimi niye mufungwa kwa dzambo ḍya kumuhumikia Ḅwana, nyakumuyombani muishi maisha ya kuyanga kwamba mu wantu wa Muungu ahaniyeo ḍugha!

Waefeso 6:20

Mimi ni ḅalozi jwa Kirist̯o Yesu jwa kusumwiiya haya haya maagu. Ela nifungwa gerenzani kwa dzambo ḍya kuyasumwiiya. D̯ubva niyombeani, niweze kusumwiiya pfasipfo oga uḍewonse dza ivyonanimala.

1 Timoteo 1:12

Namumpa ḍuḍa Kirist̯o Yesu, Ḅwana jwehu, animpiye nguvu za kuhendea hi kazi yangu. Namumpa ḍuḍa kwa kunihwaa nami dza muntu, akinitsana nimuhumikiye,

Tito 2:2

Wambe hawa wazee wa kiyume wawe wantu watuvu, wantu wa t̯aḅia nyema, wantu wa mvidhyo, na wawe wantu wa faro, wantu wa matsako, na wantu wa kuit̯isa.

Waeburania 13:19

Nyakumuyombani muno, mugije kuniyombea ili Muungu anigaliche huko kwenu haraka ivyonawezekana.

1 Pet̯ero 2:11

Wandugu zangu mwiwokukaani dza wageni humu lumwenguni, nyakumuyombani mudzichinge na t̯amaa nzuka nzuka za kimwii zizokujwanani na hizi ruhu zenu kut̯wa.