Filemoni 1:19 - Pokomo

¹⁹ Hapfa, mimi Paulo nyakworani na mukono wangu mimi mwenye, kwamba, “Akiwa na rando ḍiḍeḍyonse naḍiipfa mimi.” Na ntai haḍya ya kukukumbusya kwamba, hat̯a nawe una rando kwangu kwa dzambo ḍya haya maisha mapfya upatiyeyo kuchiiya nami.

Filemoni 1:19 Iomraidhean Croise

Warumi 16:22

Tatio, huyu oreye hi hii ḅaruwa kwa niaḅa yangu, nae pia kamukedhya kwa sari ḍya Ḅwana.

1 Wakorint̯o 4:15

Koro hat̯a mukiwa na wayezi elefu kumi kwa maisha yenu ya Kikirist̯o, muna baba mumodza t̯u. Maanaye, kwa maisha yenu hariani mwa Kirist̯o Yesu, mimi nihenda baba jwenu kwa kumusumwiiya haya *Maagu Mema.

2 Wakorint̯o 10:1

Wangine wenu wanakwamba, mimi nipfonawa pfamodza nanywi ni mupfoozi mupfoozi, ela nipfonawa kuye nanywi nahenda mukali. Ela mimi Paulo, nyakunenani nanywi na umpowe na wema dza huḍe wa *Kirist̯o eokuwa nao.

2 Wakorint̯o 3:2

Nywinywi wenye ndinywi hi ḅaruwa hwiyonayo, yorejweyo myojoni mwehu ili kwamba imanyikane na kusomwa ni kula muntu.

2 Wakorint̯o 9:4

Koro sit̯aki kwamba nidze na wantu wa Makedonia, na wadze waone kwamba mvuugiya yenu ntaidzawa t̯ayari. Maanaye vikiwa hivi, munanigiza yutswa kwa kumuhwaa dza wantu niwo na uhakika nanywi muno! Na simi t̯u, ela hat̯a nanywi munaajaa.

Wagalatia 5:2

T̯anisikiiyani! Mimi Paulo nyakumwambiani hivi: Ikiwa kwamba mudzingiza kuhinywani ili Muungu apate kumuhwaa kuwa wahachi, ḅasi kwenu, Kirist̯o kafwa ḅasi.

Wagalatia 6:11

T̯ayowani hivi vitsoro vikuu vikuu nivyokumworeani navyo na mukono wangu mwenye!

1 Timoteo 1:2

Nyakukworeani wewe Timoteo, wiye dza mwanangu hachi faroni mwa Kirist̯o. Muungu Baba jwehu na Kirist̯o Yesu, eye Ḅwana jwehu, nakuvodhye nto, akufwiye t̯ei na kukupfa maisha ya naghea.

Tito 1:4

Nyakukworeani wewe Tito, wiye mwanangu hachi kwa haya huhikiziyeyo hwonse. Muungu Baba na Kirist̯o Yesu mupfonya jwehu, nawakuvodhye na kukupfa naghea nto.

Filemoni 1:18

Ikiwa kwamba kakutsowea kwa njia iḍeyonse, ambu ana rando ḍiḍeḍyonse kwako, ḍinit̯aliye mimi.