3 Yohana 1:2 - Pokomo

² Ḅamu jwangu mutsakwa, nyakukuyombeani ya kwamba mambo yakwendeye urembo na uwe na matsea mwiini. Nimanya ya kwamba kiruhu le nku untu.

3 Yohana 1:2 Iomraidhean Croise

Matayo 9:12

Yesu epfowasikia, kawambukuya kawamba, “Weo na matsea ntawanalacha muriit̯a. Weonalacha muriit̯a ni hawaḍe weo wajwazi.

Wafilipi 2:27

Gula ndivyo ḍugha. Ewa mujwazi muno hat̯a echamba afwe. Ela Muungu kamufwiya t̯ei, na hat̯a nami pia kanifwiya t̯ei nitsekudzapatwa ni tsungu zaid̯i ya hu nionao.

Wafilipi 2:4

Kula mumodza jwenu natsemuud̯amia haya mamboye jeje heket̯u ḅasi, ela wamuud̯amiyeni na wenzenu pia.

2 Watesalonike 1:3

Wandugu zangu, swiswi hunamala kumuyaviza ḍuḍa Muungu kut̯wa kwa dzambo ḍyenu. Ni hachi kwehu kuhenda hivi, kwa dzambo ḍya kwamba faro yenu igija kukuya zaid̯i na zaid̯i na mwakugijani kutsakana zaid̯i na zaid̯i.

2 Watesalonike 2:13

Nywinywi wandugu mwiwo watsakwa wa Ḅwana, hunatsaka kumwambia ya kwamba, swiswi hunamala kumuyaviza ḍuḍa Muungu kut̯wa kwa dzambo ḍyenu. Muungu kamutsana hangu ḍabvu ili aweze kumupfonya kuchiiya na kwa kudhereswa ni Ruhu Mudheru na kwa kuihikiza hi hachi.

Yakobo 5:12

Ela zaid̯i ya vyonse wandugu zangu, mukwakunenani namutseyapfa kwa sari ḍya Muungu, kwa kulamba mutsanga ambu kwa njia ingine iḍeyonse. Mukyamba, “Ndivyo,” naiwe ndivyo, na mukyamba, “Sivyo,” naiwe sivyo, ili mutsekudzahukumigwa.

1 Pet̯ero 4:8

Zaid̯i ya vyonse, tsakanani na mojo, koro matsako yanayeha mayatsiyo ya nabvise nyinji.

2 Pet̯ero 3:18

Ela gijani kudzikwat̯ya t̯ei ya Ḅwana na mupfonya jwehu Yesu *Kirist̯o na mugije kumumanya jeje zaid̯i na zaid̯i. Ḅwana napfegwe shad̯u hangu hi hii saasambi, na hat̯a pfasipfosia. Amina.

3 Yohana 1:1

Mimi muzee, nyakukworeani wewe ḅamu jwangu Gayo nikutsakiyee muno.

Upfenuo wa Yohana 2:9

Mimi nimanya d̯ina mwizonazo na umasikini wenu mwiwo nao. Ela kunena hiḍe ya hachi nywinywi mu majabva! Nimanya hat̯a hu uzuka wa hawa wapinzani wenu weokumuneneani. Wao wakudzihanani wantu wa Muungu na hali huku ni wantu wa Shaat̯ani.