2 Wakorint̯o 7:8 - Pokomo

⁸ Hat̯a ingawa hi ḅaruwa nimworeeyo imungiza tsungu, mimi sikwakudziut̯ini kwamba niimworea. Nihambuya kwamba hi ḅaruwa iwa imungiza tsungu, hat̯a ingawa wiwa ni tsungu wa mweedha t̯u, ndookomu nami mwenye niidziut̯i.

2 Wakorint̯o 7:8 Iomraidhean Croise

Yohana 16:6

Nywinywi mukaiya kusikit̯ika t̯u kwa dzambo ḍya hivi nimwambiiyevyo.

Yohana 21:17

Makisa Yesu kamuuza Pet̯ero ḍya hahu kamwamba, “Dze Simioni mwana jwa Yohana, kunitsaka?” Pet̯ero kasikia tsungu kwa dzambo ḍya hivi vya Yesu amuuziyevyo mweedha wa hahu kwamba kamutsaka ambu hat̯a. Nae kamwamba, “Ḅwana, wewe kumanya kula kintu. Wewe mwenye kumanya ya kwamba mimi nikutsaka!” D̯ubva nae Yesu kamwamba, “Haya, zit̯ikise mbuzi zangu.

2 Wakorint̯o 7:11

Hu tsungu wenu wiwa ni miro ya Muungu kwenu. T̯ayowani namuna umuhendezeyevyo mukiperuka! Ntamukugala wantu wahiḍu t̯u, ela mugala hat̯a na hamu ya kuniyanga kwamba ntamu tsowa ḍiḍeḍyonse. Haya yahendekeeyo ntayakumutsakiza hat̯a kachuchu, ishinu yamungiza oga kwa haya yadzeyohendeka. Nywinywi ntamukutsaka kuniona t̯u, ela mwiiwa hat̯a na hamu ya kunihehea na kumuadhiḅu huyu mutsovi. Mudziyanga na kula njia kwamba nywinywi ntamu tsowa dzuu ya hiḍi dzambo.

2 Wakorint̯o 7:12

Hiḍe ḅaruwa niyomworea, sikuyora kwa dzambo ḍya huyu muntu ahendeye tsowa wala huyu atsoweejwe. Ela niimworea nipate kumuyanga tswee kwamba Muungu kamanya namuna mudziyaviyevyo kwehu na mojo.

2 Wakorint̯o 7:6

Ela Muungu eyenangiza mojo wantu wafwiyeo mojo, kahuingamaza myojo muno kwa kumuyeha Tito.

2 Wakorint̯o 7:7

Kihungiziyecho mojo si huku kudzakwe t̯u, ela hat̯a haya maagu ahupfiyeyo, ya namuna mumungiziyevyo mojo. Kahusumwiiya namuna mwivyokut̯amanini kuniona, namuna mwivyokudziut̯ini kwa hayaḍe munihendeeyo, na namuna mwivyo t̯ayari kunihehea. Ndookomu sasa tsekea yangu ni nkuu muno.

2 Wakorint̯o 7:9

Ela sasa nitsekea. Sikutsekea kwa kwamba niimungiza tsungu, ela nitsekea kwamba hu tsungu nimungiziyeo umuhendeza muperuye hizi njia zenu. Iwa ni miro ya Muungu kwamba munjijwe ni hu huu tsungu. Hivi huhendeyevyo ntahukumukukamisa kiruhu.

Upfenuo wa Yohana 3:19

Kula nimutsakiye, mimi namukanya na kumuadhiḅu. D̯ubva hendani hiḍu mupfyehuze mama.