2 Wakorint̯o 7:2 - Pokomo

² Huyangeni haya matsako yenu. Swiswi ntahukumutsowea muntu yuḍejwonse, wala ntahukunanga faro ya muntu, ambu huhwae cha yuḍejwonse na makulekule.

2 Wakorint̯o 7:2 Iomraidhean Croise

Matayo 10:14

Ikiwa kwamba mwenda nyumbani kwa muntu ambu munjia mudzi uḍewonse na muona kwamba ntaku muntu akuḅaliye kumupfokea, ḅasi iyaweni hiyo hiyo nyumba ambu huo huo mudzi. Na mukwakuyawani ḍiwakukuntieni hiḍi ḍukuu ḍya humu maguuni mwenu, kuyanga kwamba ntamukutsakizwa na hivi wahendeyevyo.

Matayo 10:40

Yuḍejwonse adzeemupfokea nywinywi, kanipfokea mimi. Na muntu anipfokeeye mimi, kamupfokea huyuḍe anihumiye.

Luka 10:8

Mwipfonaunjia mudzi na mukipfokejwa, ḍyani hichiḍe mudzechopfegwa.

Mahendo 20:33

Nipfokuwa pfamodza nanywi, sikut̯amani fwedha, dhahaḅu ambu nguo za yuḍejwonse.

Warumi 16:18

Koro hawa hawa wantu ntawakwaa kumuhumikiani Ḅwana jwehu Yesu Kirist̯o hat̯a, ela wakuhendani hivi ili waweze kudzit̯oseza hizi t̯amaa zao wezonazo. Wakwakunenani, wananena vyuuwo vya kuhalahala wantu na kuwashad̯a na vyuuwo vyema vyema. Kwehii njia wanakaa na kuziheka hizi akili za hawaḍe wasioimuka kwamba wakwambijwani nsuwe.

2 Wakorint̯o 1:12

Hwichonadziona nacho na hwicho na uhakika nacho ni kwamba, maisha yehu humu lumwenguni na uhusiano wehu nanywi, wiwa mbwa kuhikizika na wa kwambiana dza vya Muungu evyonatsaka. Hivi hivi huvihenda kwa nguvu za matsako ya Muungu, na wala si kwa mvidhyo ya kibenaad̯amu.

2 Wakorint̯o 11:16

Nyakuviujiani kawii hivi nivyonena d̯ura: Muntu natsenihwaa dza ḍyura hat̯a! Ela ikiwa kwamba munanihwaa dza ḍyura, d̯ubva nihwaani dzevyohivyo ili nangaa nami niwe na kintu kachuchu t̯u cha kudziona nacho.

2 Wakorint̯o 11:9

Na nipfokuwa pfamodza nanywi, na t̯uri wangu wonse, nidziza kumupfaza nywinywi muzigo. Hawa wandugu wadziyeo kuyawa Makedonia ndiwo waniyeheeyeo kula kintu nichokuwa na t̯uri nacho. Na, dza nivyodziza kumupfaza muzigo hapfaḍe d̯ura, sikudzamupfaza muzigo hat̯a huko usoni.

2 Wakorint̯o 4:2

Mambo ya yutswa yeyonahendwa kisiri-siri, swiswi huyadziza. Ntahukwaa wantu wa makulekule wala wantu weonakiperuya chuuwo cha Muungu kinene nsuwe. Swiswi hi hachi ya haya *Maagu Mema, hunainena wekeani tswee na Muungu akiwa shaahiḍi. Hunahenda hivi, hukidzikwat̯ya kwamba kula muntu anaona kwamba haya hwiyokuhendani ni mambo ya sawa.

Wafilipi 2:29

D̯ubva mupfokeyeni na tsekea yonse dza muntu jwa Ḅwana. Wahileni na wangine wonse weo dzae,

Wakolosai 4:10

Huku gerenzani niiko, nya pfamodza na Arisitako. Jeje na Marko ndugujwe Baranaba, wamukedhya nto. Marko akidza kwenu mupfokeeni urembo dza mwivyokwambijwa.

1 Watesalonike 2:10

Nywinywi mu mashaahiḍi, na Muungu mwenye nae ni shaahiḍi, kwamba, hwipfokuwa kahi yenu nywinywi muhikiziyeo, huishi maisha ya udheru, yamutsakiziyeyo Muungu na yasiyokuwa na t̯amba zuka ḍiḍeḍyonse.

Filemoni 1:12

Onesimo mwana nimutsakiye dza mojo wangu, nyakumugalichani kwako.

Filemoni 1:17

D̯ubva kwa kwamba mimi unakaa na kunihwaa dza muhumisi mwenziwo, ḅasi Onesimo nae mupfokeye urembo dza kwamba kwakunipfokeani mimi mwenye.

2 Yohana 1:10

D̯ubva muntu yuḍejwonse akimudzia, na akitsamudzia na haya haya mayongweezo, namutsemukaraḅisha nyumbani kwenu. Na hat̯a kumukedhya, namutsemukedhya!