2 Wakorint̯o 4:16 - Pokomo

¹⁶ Kwa hivyo swiswi ntahufwe mojo. Hat̯a ingawa mii yehu yakusiani mpompowe mpompowe, ela untu wehu wa kiruhu wakumbakwani upfya nsiku ḅaad̯a ya nsiku.

2 Wakorint̯o 4:16 Iomraidhean Croise

Luka 11:3

Uhupfe chakuḍya cha kuhukusya nsiku kwa nsiku.

Warumi 12:2

Na manyani amaale mutsekaiya kuuḅa myenendo mizuka mizuka ya huju lumwengu. Ishinu muyatseni Muungu agije kuziperuya mama zenu, na ndipfo mudzepfoihambuya miroye. Yani mudzahambuya kwamba Muungu anatsaka meshi mukikaa na kuhenda mambo mema yeyonamutsakiza na yeyo sawa usoni kwakwe.

Warumi 7:22

Humu mojoni mwangu nakaa nikitsekezwa ni hi Sharia ya Muungu.

1 Wakorint̯o 15:58

D̯ubva wandugu watsakwa, sumamani kiyume na mutset̯et̯eleka. Dziyavyeni kuihenda kazi ya Ḅwana kut̯wa, mukimanya ya kwamba hweka ḍyenu kwa kazi ya Ḅwana ntaḍiwezi kuhika ḅasi.

2 Wakorint̯o 12:15

Mimi natumia na mojo mumodza kula nichonacho na kudzit̯ut̯uma kwa dzambo ḍya ruhu zenu. Ami nikimamutsaka muno dzevihivi, anywi munanitsaka kachuchu ḅasi?

2 Wakorint̯o 4:1

Muungu kahupfa hu huu uhumisi kwa t̯eiye, ndookomu naswi ntahufwe mojo kuuhenda.

Waefeso 3:16

Nyakumuyombeani kwamba, kuyawana na winji wa memaye yasiyo chima, amumpe nguvu za kut̯osa za kumukumiiza hi myojo yenu kuchiiya na kwa Ruhu jwakwe.

Waefeso 4:23

Ela sasa muyatseni Muungu aiperuye hi myojo yenu na mat̯aro yenu.

Tito 3:5

hupfonywa. Na nkakuhupfonya kwa dzambo ḍya mambo mema huhendeyeyo, ela ni kwa dzambo ḍya kuhufwiya t̯ei. Muungu kahupfonya kuchiiya na kwa nguvu za Ruhu Mudheru, eyenahupfa kuvyajwa upfya na kuwa na maisha mapfya kwa kuhudheresa kiruhu.

1 Pet̯ero 3:4

Ela rembo ḍyenu naḍiwe kuzimu ya myojo yenu. Naḍiwe rembo ḍisiḍyosia, ḍya myojo mimpowe na iingamaiyeyo, iyo ya thamani nkuu usoni kwa Muungu.

1 Pet̯ero 4:14

Munapata mvoni iyodze, mukitsolwa kwa dzambo ḍya kumuhikiza Kirist̯o, koro Ruhu ya marembo ya Muungu yaa pfamodza nanywi!