2 Wakorint̯o 4:10 - Pokomo

¹⁰ Kut̯wa hwaa hat̯arini ya kuyagwa dza hiviḍe vya Yesu ayagijwevyo. Hivi huivyo mojo amaale, vyakuyangani kwamba, Yesu amaale kakuishini kuzimuni mwehu.

2 Wakorint̯o 4:10 Iomraidhean Croise

Yohana 14:19

Ḅaad̯a ya kit̯emo kifufi chichokudzani, huju lumwengu ntajukudzaniona kawii, ela nywinywi mudzaniona. Na kwa dzambo ḍya kwamba nawa nya mojo kawii, nanywi pia mudzawa mojo.

Warumi 6:5

Koro kwa kwamba huunganywa na Kirist̯o kwa kufwa pfamodza nae, ḅasi pia hudzafufujwa dza viviḍe afufwiijwevyo.

Warumi 6:8

Na kwa kwamba hufwa pfamodza na Kirist̯o, huhikiza kwamba hudzaishi pfamodza nae kawii.

Warumi 8:36

Koro hat̯a haya matsoro yamba, “Kula nsiku hwaa hat̯arini ya kutsaka kuyagwa kwa dzambo ḍyako. Wantu wanahuhwaa sawa sawa na mbuzi za hako zizokupfiikwani kutsinzwani.”

2 Wakorint̯o 1:5

Swiswi hwakukuntani d̯ina dza vya Kirist̯o akuntiyevyo d̯ina nyinji na nyinji. Na dza vya Kirist̯o aingamazijwevyo, naswi kwa njia ya Kirist̯o hunaingamazwa ni Muungu.

2 Wakorint̯o 1:9

Hwiidziona dza kwamba hujwakufwa. Ela hivyo hivyo vihendeka ili vipate kuhuhendeza hutsedziemeeya swiswi wenye, ela humuemeeye Muungu eye na uwezo hat̯a wa kufufuya wafu.

2 Wakorint̯o 13:4

Hat̯a ingawa Kirist̯o kapfatsikwa muhini mwa mpatsa kwa dzambo ḍya kutsowa nguvu, sasa kakuishini kwa nguvu za Muungu. Hat̯a naswi, ntahu nguvu, ela hunaishi kwa nguvu za Muungu kumuhumikia nywinywi.

2 Wakorint̯o 4:11

Maishani mwehu mwonse, kut̯wa hwaa hat̯arini ya kuyagwa kwa dzambo ḍya Yesu. Hivi huivyo mojo amaale, vyakuyangani kwamba, Yesu amaale kakuishini kuzimuni mwehu swiswi hwiwo wantu wa kufwa.

Wagalatia 6:17

Hangu hi hii saasambi, si haḍya ya muntu jwa kuningiza d̯inani kawii. Koro hizi mad̯a zizo humu mwiini mwangu zakuyangani hachi kwamba mimi ni jwa Yesu.

Wakolosai 1:24

Hi hii saasambi nyakukuntani d̯ina gerenzani kwa dzambo ḍya hi kazi yangu nihendeyeyo kahi yenu wantu wa vyeet̯i. Ela nina tsekea kwamba nyakukuntani d̯ina dzevihivi. Haya yeyokunipatani ni sehemu ya hizi d̯ina za Kirist̯o anitsaniiyezo kukuntana nazo kwa dzambo ḍya hiḍi tsanganikoḍye, ḍiḍyo dza hu mwiiwe.

2 Timoteo 2:11

Hu muneno hu ni muneno wa ḍugha: Ikiwa kwamba hufwa na Kirist̯o, pia hudzaishi pfamodza nae.

1 Pet̯ero 4:13

Ishinu tsekeani kwamba nanywi mwakuyakuntani haya mad̯ina ya Kirist̯o akuntiyeyo, ili kwamba nanywi mudzae tsekea, ngera adzeyokudza na maremboye.

1 Pet̯ero 4:14

Munapata mvoni iyodze, mukitsolwa kwa dzambo ḍya kumuhikiza Kirist̯o, koro Ruhu ya marembo ya Muungu yaa pfamodza nanywi!

Upfenuo wa Yohana 1:17

Mimi nipfomuona, nimugwiya maguuni pfakwe, na nikaa dza muntu afwiye. Ela jeje kaniweka mukono wakwe wa kuyume na kanyamba, “Nkudzoshooge! Mimi ndimi ḍabvu na mwiso.