2 Wakorint̯o 2:12 - Pokomo

¹² Nipfokwenda Tiroa kusumwiiya *Maagu Mema dzuu ya Kirist̯o, Ḅwana kanifungwiiya njia ya kuhenda kazi hukuhukuḍe.

2 Wakorint̯o 2:12 Iomraidhean Croise

Mahendo 14:27

Wepfofika Antiokia, waḍit̯ut̯aisa tsanganiko ḍyonse pfamodza, na wawasumwiiya hawa wantu hayaḍe yonse ya Muungu ahendeyeyo pfamodza nao, na namuna awapfiyevyo namfasi wantu wa vyeet̯i vingine kuwa wahikiza.

Mahendo 16:11

Kuyawa Tiroa, hunjia chomboni hwenda hat̯a kilulu cha Samotirake, na chamukoche hwenda Niapoli.

Mahendo 16:8

Ndookomu wachia na Musia wenda hat̯a Tiroa.

Mahendo 20:8

Kwiwa kugizwa tsaa nyinji humu mwa hichi chumba cha d̯arini dzuu hwimotsanganika.

Warumi 1:1

Mimi Paulo, niiye muhumisi jwa *Kirist̯o Yesu, nyakumworeani nywinywi wantu wa Rumi mwiwo wahikiza. Muungu kanitsana dza *ntumi jwa Kirist̯o na kanimpa kazi ya kusumwiiya *Maagu Mema yakwe.

1 Wakorint̯o 16:9

Hapfa nina namfasi nyema muno ya kuhenda kazi ya maana, hat̯a ingawa wapinzani wangu nao ni wenji.

1 Wakorint̯o 9:12

Ikiwa kwamba wangine wana hachi ya kuyoweeya ugijo kuyawa kwenu, ehe fat̯i swiswi si zaid̯i? Ela swiswi hi hii hachi ntahudzaidzilachia. Ishinu hwakuit̯isani kula d̯ina, ili hupate kutsaawa mpingamizi ya haya *Maagu Mema ya *Kirist̯o.

1 Wakorint̯o 9:14

Dza vivyo, Ḅwana kaamuru kwamba, hawaḍe weonasumwiiya injili wanaḍya kuyawana na hi injili.

1 Wakorint̯o 9:16

Ela si hachi ya kudziona at̯i kwa dzambo ḍya kusumwiiya hi injili. Hangu d̯ura, nipfegwa amuri ya kuisumwiiya. Na nikitsaisumwiiya Muungu ananihukumu.

2 Wakorint̯o 10:14

Nywinywi mwaa kuzimuni mwa hi mimpaka ya Muungu ahuwekeeyo, ndookomu ntahwichia mumpaka hwipfokudza mumpaka Korint̯o kusumwiiya *Maagu Mema dzuu ya Kirist̯o.

2 Wakorint̯o 11:4

Nyakumushoogeani kwa hivi mwivyonawapfokea kiurahisi hawa weonakudza kwenu. Haya weyonasumwiiya dzuu ya Yesu ni garagara na hivi humusumwiiyevyo, ela munayahikiza! Munapfokea ruhu asiyekuwa huyu Ruhu Mudheru mupfokeeye kuyawa kwehu. Na hi injili weyonasumwiiya ni garagara na hiḍe yehu humusumwiiyeyo, ela vivyo mwakuipfokeani.

2 Wakorint̯o 11:7

Nimusumwiiya *Maagu Mema ya Muungu pfasipfo kumuhwaa hat̯a nd̯ururu. Nidzisusya nsii nipate kumukuzya nywinywi. Nihenda viwi?

2 Wakorint̯o 4:3

Koro ikiwa kwamba haya Maagu Mema hwiyokusumwiiyani ni momu na ntayaimukike, ḅasi ni momu na ntayaimukike kwa hawaḍe weokwaarani t̯u.

2 Wakorint̯o 4:4

Wanadziza kuhikiza kwa kwamba, huyu muungu jwa mazuka ya huju huju lumwengu kawafinikiza hizi akili watseimuka. Ntawawezi kuuona hu muyanga wiwokuwayangaiyani. Huu ni hu muyanga wiwonayavigwa ni haya Maagu Mema dzuu ya marembo ya *Kirist̯o eye dza Muungu mwenye.

2 Wakorint̯o 8:18

D̯ubva hwakumuyehani jeje pfamodza na huyu ndugu amanyikaniye muno matsanganikoni mwonse, kwa kusumwiiyakwe kwe Injili.

2 Wakorint̯o 9:13

Kuyavya kwenu kunayanga mojo mwiwo nao, na wantu wenji wanamushad̯a Muungu kwa hivi muyahikiziyevyo haya *Maagu Mema dzuu ya *Kirist̯o na kwa namuna mwivyonayat̯ii. Wanamushad̯a Muungu pia, kwa myojo yenu ya ubalicha kwao na kwa wangine.

Wakolosai 4:3

Ikaani mukihuyombeya naswi, ili Muungu apate kuhufungwiiya njia ya kuisumwiiya wantu hi ngadzi dzuu ya *Kirist̯o. Koro mimi nya gerenzani kwa dzambo ḍya kusumwiiya haya haya maagu dzuu ya Kirist̯o.