2 Wakorint̯o 10:2 - Pokomo

² Nyakumuyombani mutsenisharut̯isa kuwa mukali kwenu nidzepfokudza. Nimanya naweza kuwa mukali kwa hawaḍe weonat̯ara kwamba swiswi mambo yehu hwakuyahendani kilumwengu.

2 Wakorint̯o 10:2 Iomraidhean Croise

Warumi 8:1

Ndookomu sasa hawaḍe weokuishini hariani mwa Kirist̯o Yesu ntawawezi kuhukumigwa.

Warumi 8:4

Muungu kahenda hivi ili kwamba swiswi husiokuwa kuuḅani mambo ya kimwii, hwiwokuyongojwani ni huyu Ruhu jwakwe, huweze kuhenda yeyo ya hachi, dza hivi vye Sharia ivyonatsaka.

Warumi 8:5

Hawaḍe weonaishi kwa kuuḅa mambo ya kimwii, wanat̯aria mambo ya kimwii. Ela hawaḍe weonaishi kwa kuuḅa mambo ya huyu Ruhu, wanat̯aria mambo yeyonamutsakiza huyu Ruhu.

2 Wakorint̯o 1:17

Nipfoiperuya ai mipango yangu, muniona dza muntu jwa mbiimbii? Ambu ai mipango yangu, naihenda dza muntu asiye musumamo jwa kwamba iyo saa nakwamba, “Ndivyo,” na iyo saa nikamba, “Sivyo?”

2 Wakorint̯o 11:21

Nigijwa ni yutswa kunena kwamba, aswi le ntahwiiwa na nguvu za kumuhendea dzevyohivyo! Sasa nyakuhendekani dza ḍyura, na kiḍechonse cha wantu wechonajebvia kudziona nacho, nami pia nadziona nacho.

2 Wakorint̯o 13:10

Nyakumworeani hi hii ḅaruwa ninkiwa kuye nanywi, ili kwamba chima changu cha kudza, kunawa ntaku haḍya kwangu kuwa mukali kwenu. Koro haya mamulaka ya Ḅwana animpiyeyo, natsaka kuyatumia kumumbaka nywinywi, si kumuvara-vara.

2 Wakorint̯o 13:2

Nyakuwakanyani hawaḍe weohenda nabvise kae na hawa wangine wonse. Niivinena ḍya d̯ura huḍe mweedha wa pfii niwomut̯embeeya, ela nyakuvinenani kawii hivi nisivyokuwa pfamodza nanywi, kwamba: Hu mweedha ungine nidzeokudza sikudzaonea t̯ei muntu.