2 Timoteo 1:14 - Pokomo

¹⁴ It̯unze hi nkandi ya maana ya haya Maagu Mema uipfegejweyo ni Muungu. It̯unze kwa nguvu za Ruhu Mudheru, huyu eyenaishi kuzimuni mwehu.

2 Timoteo 1:14 Iomraidhean Croise

Luka 16:11

D̯ubva ikiwa kwamba ntamunahikizika na ujabva wa lumwengu huju, munahikizikadze na ujabva wa ḍugha wa Muungu eonapfa wantu?

Yohana 14:17

Huyu huyu Mugijiija ni huyu Ruhu Mudheru eyenayanga wantu hi ya hachi. Ela huju lumwengu ntajuwezi kumupfokea, maanaye ntajumudzi na wala ntajukwakumuhambuyani. Nywinywi le mumumanya, kwa dzambo ḍya kwamba ka pfamodza nanywi na anawa kuzimuni mwenu.

Warumi 3:2

Kuwa Muyahud̯i kuna maana kwa kula njia. Cha d̯ura ni kwamba Wayahud̯i ndiwo wantu wa Muungu awakaḅidhiyeo haya maaguye.

Warumi 8:11

Na kwa kwamba huyu Ruhu jwa huyu Muungu amufufwiiye Kirist̯o Yesu kuyawa kwa wafu ka kuzimuni mwenu, ḅasi yuyuḍe amufufwiiye Kirist̯o anamumpa maisha mapfya nywinywi mwiwo na mii ya kufwa. Nevihivi anavihenda kuchiiya na kwa huyu Ruhu jwakwe eye kuzimuni mwenu.

Warumi 8:13

Koro mukiishi maisha ya kut̯awaligwa ni mambo ya kimwii, hachi munafwa. Ela ikiwa kwamba kwa nguvu za Ruhu Mudheru muyatsa kuhenda mambo mazuka kaḅisa, ḅasi munaishi.

Warumi 8:9

Ela nywinywi ntamukwakut̯awaligwani ni mambo ya kimwii. Ikiwa kwamba huyu Ruhu jwa Muungu ka kuzimuni mwenu, ḅasi ndiye eyekumuyongowani. Kumbukani kwamba muntu asiye Ruhu jwa Kirist̯o, huyo si jwa Kirist̯o.

1 Wakorint̯o 3:16

Ntamudzi kwamba nywinywi mu *Hekalu ya Muungu, na kwamba Ruhu jwa Muungu kakuishini kuzimuni mwenu?

1 Wakorint̯o 6:19

Ntamudzi kwamba mii yenu ni *Hekalu ya Ruhu Mudheru? Huyu Ruhu mumupfegwa ni Muungu na kakuishini kuzimuni mwenu. D̯ubva mii yenu namutseihwaa dza yenu, nza Muungu.

1 Wakorint̯o 9:17

Koro t̯ambere hi hii kazi nindeewa nyakuihendani kwa kutsaka kwangu, nindeewa na hachi ya kuipfwa; ela si kwa kutsaka kwangu mwenye, ni kazi Muungu kainimpa.

2 Wakorint̯o 5:16

Hangu hwipfohikiza, ntahupime muntu na mat̯aro ya kilumwengu. Gula d̯ura hwikimuhwaa Kirist̯o na hiyo hiyo njia, ela sasa huviyatsa.

Wagalatia 2:7

D̯ubva wahambuya kwamba Muungu kanitsana nisumwiiye Maagu Mema kwa wantu wasiokuwa Wayahud̯i, dza viviḍe evyomutsana Pet̯ero kuwasumwiiya hawa Wayahud̯i.

Waefeso 2:22

Ndookomu kuchiiya na kwa Kirist̯o, nywinywi musiokuwa Wayahud̯i nanywi mwakuunganywani na hawa wantu wonse wa Muungu, muwe Hekalu ya Muungu ya kukaa kuchiiya na kwa huyu Ruhu jwakwe.

Waefeso 5:18

Namutsekaiya kuruma, koro ulevi unananga maisha yenu. Ishinu muyatseni huyu Ruhu amudzaze na nguvuze.

Wakolosai 4:11

Yesu eyenahanwa Yust̯o nae pia kamukedhya nto. Kahi ya hawa wahumisi wenzangu, hawa hawa wohahu ndiwo wahikiza Wayahud̯i t̯u weokunigijiijani kuhenda kazi ya kusumwiiya dzuu ya Uhaju wa Muungu. Hawa wantu wohahu waningiza mojo muno.

1 Watesalonike 5:19

Namutsemuvingira Ruhu Mudheru kuhenda kaziye kuzimuni mwa myojo yenu.

1 Timoteo 1:11

Haya haya mayongweezo, yaa humu mwa haya *Maagu Mema nipfegejweyo ni Muungu niyasumwiiye wantu. Ni Maagu Mema dzuu ya Muungu jwa marembo asiyepfungukijwa ni kintu.

1 Timoteo 6:20

Timoteo, yat̯unze haya uyapfegejweyo kuyat̯unza. Dzit̯anye na vyuuwo vya kilumwengu na yuḍaat̯o jwa uḍyura, jwa wantu wangine wejonajuhana “umanyi,” kimatsowa.

2 Timoteo 1:12

Ndiyo maana niyokukuntani d̯ina dzevihivi. Ela sidzafwa mojo, koro huyu nimuhikiziye nimumanya ya kwamba ni ga. Nina uhakika wa kwamba, ana uwezo wa kuyamia haya animpiyeyo, mumpaka nsiku ya mwiso.

2 Timoteo 2:2

Hayaḍe mayongweezo nikupfiyeyo usoni ya mashaahiḍi wenji na wenji, yahwae uyawayongweeze wantu weonahikizika, wadzeoweza kuwayongweeza na wantu wangine.

1 Pet̯ero 1:22

Na sasa, kwa dzambo muit̯ii hi hachi, mudhereswa kuyawana na nabvise zenu, na muwatsaka na mojo hawa wahikiza wenzenu. D̯ubva tsakanani na mojo ḍugha,