2 Pet̯ero 3:10 - Pokomo

¹⁰ Nsiku ya Ḅwana ya kudza, anakudza dza hiviḍe vya mwivi evyonakudza pfasipfo kuḍama. Hiyo hiyo nsiku, hizi mbingu zinakwaara na kisindo chikuu, na vyonse vivyo kuzimu yakwe vinapfya moho wa bvibvibvibvi. Hat̯a huju lumwengu na vyonse vihendejwevyo kuzimuye, navyo pia vinatsomwa.

2 Pet̯ero 3:10 Iomraidhean Croise

Matayo 24:35

Mbingu na nsi vinasia, ela vyuuwo vyangu ntavinasia meshi.”

Marko 13:31

Mbingu na nsi vinasia, ela vyuuwo vyangu ntavinasia meshi.”

Luka 12:39

Natsaka muviimuke hivi: T̯ambere muntu andeemanya kwamba mwivi njwakudza saa nyengani, hakika andeyamia nyumbaye itsekudzavunzwa.

Warumi 8:20

Viumbe vyonse vya lumwenguni vina ḍuo ḍya Muungu ingawa ntavikudzitsakia ḍuo vivyo vyenye, koro iwa ni miro ya Muungu mwenye. Ela hat̯a vivyo Muungu ewa na mupango wa kuvipfonya.

1 Wakorint̯o 1:8

Na jeje anamungiza nguvu hat̯a mwiso, ili mutsekudzaonekana na t̯amba zuka ḍiḍeḍyonse hiyo hiyo Nsiku ya Ḅwana jwehu Yesu Kirist̯o adzeyokudza yupfii.

1 Wakorint̯o 5:5

huyu muntu ni mumungize mikononi mwa Shaat̯ani, ili hu mwiiwe upate kunangwa-nangwa, na apate kupfonywa ruhuye Nsiku ya Ḅwana Yesu adzeyokudza.

1 Watesalonike 5:2

Koro nywinywi wenye mumanya tswee, kwamba, nsiku yakwe ya kudza, anakudza pfasipfo kumanyikana dza hiviḍe vya mwivi evyonakudza nasiku pfasipfo kumanyikana.

1 Watesalonike 5:4

Ela nywinywi wandugu, ntamukwaa kizani dzuu ya haya mambo hat̯a mudzemuhuswe ni kudza kwa Ḅwana jwehu Yesu dza hiviḍe vya wantu wevyonahuka wakinjiijwa ni mwivi.

2 Pet̯ero 3:11

D̯ubva ikiwa kwamba kula kintu kidzanangwa dzevihivi, mani munamala kuwa wantu weodze? Ntamunamala kudziyavya kwa Muungu na muishi maisha ya udheru hat̯a?

2 Pet̯ero 3:12

Hendani hivi huku mukiindiya hi Nsiku ya Muungu iyokudzani. Hendani kula mwichonaweza muihendeze idze haraka. Koro hiyo hiyo nsiku, hizi mbingu zinanangwa kwa kugibvilwa moho, na vyonse vivyo kuzimuye vinaḍauswa ni hiḍi pwikopwiko.

2 Pet̯ero 3:7

Kwa chicho chuuwo kimodza cha Muungu, hizi mbingu na huju lumwengu jwa yeo vyakuwekwani kudzanangwa na moho nsiku ya hukumu. Judzanangwa pfamodza na wantu wonse wasiomumanya Muungu.

Yud̯a 1:6

Na pia natsaka kumukumbusya kwamba hawaḍe malaika wayayatsiyeo haya mamulaka ya Muungu awapfiyeyo, na wakikuyatsa hukuḍe kuntu kwao wapangiijweko kukaa, Muungu kawafunga-funga na minyoro isiyohunika meshi. Kisa kawangiza simo ḍya kiza wemokuindiiyani Nsiku ya kuhukumigwa.

Upfenuo wa Yohana 16:15

“T̯asikiani! Mimi nakudza dza mwivi, saa musiyokuwa kuniindiani. Kadzawa na tsekea iyodze, huyuḍe adzeewa matso na avwaiye nguoze t̯ayari ili atsekudzatsumpa vivi aajae!”

Upfenuo wa Yohana 20:11

Kisa niona kiti kikuu cheupe cha kihaju kikaijwecho ni muntu. Na iyo saa hizi mbingu na nsi zimud̯arama zyaara na wala ntazikuonekana kawii.

Upfenuo wa Yohana 21:1

Kisa niona mbingu mpya na nsi mpya, koro hizi mbingu za d̯ura na hi nsi ya d̯ura viiwa visakwaara, na ntakwiwa ḅahari kawii.

Upfenuo wa Yohana 3:3

Kumbukani hayaḍe mwiyoyongweezwa na mwiyopfokea. Yagijeni na mupfyehuze mama. Ela mukitsayamuka, namudzia dza mwivi, wala ntamumanye saa yangu ya kumudzia.

Upfenuo wa Yohana 6:14

Hizi mbingu zikutswa-kutswa dza karat̯asi zinujwa. Kula murima na kula kilulu vyaara na hapfaḍe vipfokuwa.