2 Pet̯ero 2:6 - Pokomo

⁶ Muungu kaihukumu midzi ya Sod̯oma na Gomora kwa kuinanga na moho. Kaihenda dza hivi ili ikae dza mufaano wa hayaḍe yadzeyohendeka kwa wantu wonse weo walumwengu.

2 Pet̯ero 2:6 Iomraidhean Croise

Matayo 10:15

Nami hachi nyakumwambiani, nsiku ya hukumu idzepfofika, Muungu anawafwia t̯ei zaid̯i wantu wa midzi ya Sod̯oma na Gomora, kuliko wantu wa huo huo mudzi!”

Matayo 11:23

Na nywinywi wantu wa Kaperinaumi, hat̯a mukiḍema kudzikuzya mumpaka mufike mbinguni, munasuswa nsii mumpaka lumwengu jwa wafu! Koro t̯ambere hayaḍe mafara ya kumakisa yahendejweyo kwenu yandeewa kwamba yahendegwa mudzi wa Sod̯oma, Sod̯oma ntaindenangwa!

Warumi 9:29

Na kungine nabii Isaya kamba, “T̯ambere huyu Ḅwana mwenye nguvu zonse nkandehusazia yuvyee, swiswi Waisiraeli hwonse hundeewa hwisakunangwa-nangwa, dza midzi ya Sod̯oma na Gomora.”

1 Wakorint̯o 10:11

Haya haya mambo yawapata wao yapate kuwa mufaano kwa wangine. Na yoregwa yapate kuhukanya naswi, koro hwakuishini ngera ya kwamba mwiso wa lumwengu umaawa hafufi.

Waeburania 4:11

D̯ubva naswi nahujwaniye kunjia huku kuntu kwa kuyavya hara kwa Muungu ahuwekeeko. Nakutseewa hat̯a mumodza jwehu jwa kutsaat̯ii dza hawaḍe weokuwa hukuḍe yuwandani na wakishindwa kuinjia hi nsi ya kuyavya hara.

Yud̯a 1:15

Kakudzani kuwahukumu wantu wonse weo lumwenguni. Kadzawahukumu wanabvise wonse wasiomumanya Muungu. Kadzawahukumu kwa dzambo ḍya haya mahendo yao mazuka yonse wahendeyeo pfasipfo hat̯a kumushooga Muungu. Na pia kadzawahukumu kwa dzambo ḍya hivi vyuuwo vizuka vizuka vyonse vya hawa hawa wantu waneneyevyo dzuu ya Muungu.”

Yud̯a 1:7

Kumbukani wantu wa midzi ya Sod̯oma na Gomora na hiḍe midzi ingine iyokuwa hafufi. Hawa hawa wantu wekihenda kula aina ya uḅari na kuyaana na njia isiyokuwa ya sawa, ndookomu Muungu kawananga-nanga na moho. Hihiiḍe midzi Muungu kaihenda dza hivihiviḍe nangere kuyanga namuna ya hawaḍe wonse weo wazuka wadzevyotsomwa na moho usiwosia.