2 Pet̯ero 2:18 - Pokomo

¹⁸ Humu manwani mwao, vyuuwo vya kudziona na visivyo maana vinawamba bvaa! Wanakaa na kuwagisa nabviseni hawa wahikiza wanana kwa kuwayongweeza kwamba wakikaa na kudzit̯oseza hizi t̯amaa zao za kimwii.

2 Pet̯ero 2:18 Iomraidhean Croise

Mahendo 2:40

Pet̯ero kawafunda na kuwangiza nguvu hawa wantu na vyuuwo vingine vinji akiwamba, “Dzipfonyeni, mutsekudzahukumigwa dza hawa wantu wazuka wa hizi hizi nsiku!”

Mahendo 8:9

Humuḍe mudzini kwiwa muntu eyeakihanwa Simioni, eyeakimakisa wantu wa Samaria na tsawiwe kwa muḍa. Kadzihwaa kuwa muntu jwa maana,

Warumi 13:13

Ni had̯i hukae urembo dza wantu wa Muungu weo muyangani wevyonamala kukaa. Nahutsedzingiza kwa jila nzuka nzuka za kuruma ambu kuhenda uḅari, na wala nahutsedzingiza kuhendani mambo yangine yaḍeyonse machafu. Na pia ni had̯i huyatse mambo ya nkondo na kufwiyana ḍea.

Waefeso 4:17

Mimi nyakumukanyani muno dza muhumisi jwa Ḅwana, mutsekaiya kuishi dza hivi vya hawa walumwengu wevyonaishi. Wao mat̯aro yao ni mafu.

2 Watesalonike 2:4

Anadzikuzya na kumukufuru Muungu, akiwasharut̯isa na wantu kutsamuyomba Muungu wala miungu ingine iḍeyonse. Ananjia humu Hekaluni mwa Muungu, anadziweka dza Muungu na kuwamba wantu jeje ni Muungu.

Yakobo 5:5

Muishi na raha humu lumwenguni, mukidzitsekeza na kula mwichomukitsaka. Mudzit̯oseza hi myojo yenu, na sasa mwakuindiiyani nsiku ya kudzahukumigwa.

2 Pet̯ero 1:4

Na kwa dzambo ḍya haya haya maremboye na memaye, kahuahid̯ia kuhupfa mambo makuu muno ya thamani. Na haya ahuahid̯iiyeyo kayahupfa ili kwamba muweze kuishi dza wana wa Muungu. Haya haya kayamumpa ili muweze kupfona kuyawana na haya mambo yeyonawananga wantu wa huju lumwengu, yeyonayehegwa ni t̯amaa nzuka nzuka.

2 Pet̯ero 2:14

Hawa ni wantu waḍuijweo, koro ntawa kazi ingine, kazi yao ni kwendea wake mashudha t̯u! Ntawafurume kuhenda nabvise maishi, koro myojo yao ibarat̯a uhamile. Wanawasarat̯a hawaḍe weonaheeka kiurahisi na wakawagisa nabviseni.

2 Pet̯ero 2:2

Hat̯a vivyo, wenji wa hawa wantu wahikiziyeo wadzat̯aḅa hi myenendo yao mizuka. Na kwa dzambo ḍya mahendo yao, wantu wadzainenea mazuka hi Njia ya hachi.

2 Pet̯ero 2:20

Koro wantu wakiyatsa mazuka ya lumwengu kwa kumuhikiza Yesu Kirist̯o dza Ḅwana na mupfonya jwao, makisa wakidziyatsa wahekwe ni lumwengu kawii, hachi wantu dzao wanawa d̯inani zaid̯i kuchia hiviḍe wevyokuwa d̯ura.

2 Pet̯ero 2:7

Ela hat̯a vivyo kamupfonya Loti, koro ewa muntu mwema eyeakiishi kahi ya wantu wazuka muno. Loti ekihangaika muno mojoni mwakwe dzuu ya haya mahendo mazuka mazuka eyoakiyaona na hawa wantu, nsiku ḅaad̯a ya nsiku.

2 Pet̯ero 3:17

D̯ubva wandugu zangu, kwa dzambo ḍya kwamba haya haya mambo mumayamanya na mapfema, ḅasi chimizani muno ili kwamba haya matsowa ya hawa wantu wazuka weyonahenda, yatsekudzamwaarya yamugise nanywi pia.

Yud̯a 1:13

Haya mahendo yao mazuka mazuka yanadziyavya nze tswee dza hiviḍe vya mawimbi makali ya ḅahari yevyonabiga na kuyavya povu ḍya uchafu. Wao waa dza hiziḍe nyoha zizonadzichiiya ḅasi humu yuwinguni, yani hiziḍe nyoha zizonachia zikaariya kuntu kwa kiza cha go.

Upfenuo wa Yohana 13:11

Kisa niona binensa yungine muzuka ayawiye na hukuḍe gubani. Huyu huyu binensa ewa na mpembe mbii zikaiyezo dza mpembe za mbuzi, ela akwakunenani ekinena dza ḍyoka.