2 Pet̯ero 2:13 - Pokomo

¹³ Wanakunta d̯ina kwa dzambo ḍya kuwangiza mazukani wangine. Koro wanat̯ara kwamba wakikaiya kuhenda mambo mazuka dza kuruma na kushobva na musikahi wa tswee ndiwo raha. Wakikaa mahaghani kuḍyani pfamodza nanywi, wanamungiza t̯amba zuka. Haya makulekule yao kwenu, kwao yanawa ni d̯aha.

2 Pet̯ero 2:13 Iomraidhean Croise

Warumi 13:13

Ni had̯i hukae urembo dza wantu wa Muungu weo muyangani wevyonamala kukaa. Nahutsedzingiza kwa jila nzuka nzuka za kuruma ambu kuhenda uḅari, na wala nahutsedzingiza kuhendani mambo yangine yaḍeyonse machafu. Na pia ni had̯i huyatse mambo ya nkondo na kufwiyana ḍea.

Waefeso 5:27

Kahenda hivi apate kuḍipfa rembo ḍya kusumamia usoni kwakwe ḍikiwa ntaḍi uchafu wala t̯amba ambu zuka ḍingine ḍiḍeḍyonse. Ekitsaka hiḍi tsanganiko ḍiwe dheru na ḍitseewa na t̯amba zuka ḍiḍeḍyonse.

Wafilipi 3:19

Wao chikuu wechonauḅa ni t̯amaa zao za kimwii. Wanaziuḅa dza kwamba ndizo miungu yao. Haya mambo ya kwamba wayaoneye yutswa, ndiyo yao weyonadzishad̯a nayo. Chao t̯u wechonat̯aria ni mambo ya huju huju lumwengu. Hakika mwisowe Muungu kadzawananga-nanga!

2 Timoteo 4:14

Huyu Alekizanda mufuya vyuma, kanihendea mazuka menji muno. Ḅwana anamuipfa kwa haya ahendeyeyo.

Yakobo 5:5

Muishi na raha humu lumwenguni, mukidzitsekeza na kula mwichomukitsaka. Mudzit̯oseza hi myojo yenu, na sasa mwakuindiiyani nsiku ya kudzahukumigwa.

1 Pet̯ero 4:4

Na sasa hawa walumwengu wakumakani, wakimuona kwamba ntamukwakugijanani nao na kuhenda haya mambo mazuka mazuka weyonahenda; ndookomu wanjia kumutsezeani.

2 Pet̯ero 2:15

Waiyatsa hi njia nyema na wagija njia zao waara; koro wauḅa hi njia ya Balamu mwana jwa Beori, eyekuwa t̯ayari kuhenda mazuka apate kuipfwa fwedha.

Upfenuo wa Yohana 18:6

Ndookomu nanywi uhendeyeni mudzi wa Babeli dza viviḍe uhendeyevyo kwa wangine. Uipfeni halo myeedha miwii zaid̯i kwa haya mazuka uhendeeyo. Mudzi wa Babeli uwapfa wantu wangine mvinyo nkali. Ḅasi nanywi pia upfeni mvinyo iyo nkali myeedha miwii zaid̯i ya hiḍe uwapfiyeo wangine!